काठमाडौं — अन्तर्राष्ट्रिय बजारमा सुनको मूल्य बढेसँगै त्यसको प्रत्यक्ष असर नेपाली बजारमा पनि परेको छ। बुधबारको तुलनामा आज (बिहीबार) एक तोला सुनको मूल्य रु १,२०० ले वृद्धि भएको छ।
नेपाल सुनचाँदी व्यवसायी महासङ्घका अनुसार बुधबार रु २,३८,००० मा कारोबार भएको सुनको मूल्य आज बढेर रु २,३९,२०० कायम भएको हो।
त्यस्तै, चाँदीको मूल्यमा पनि वृद्धि भएको छ। बुधबार एक तोला चाँदी रु २,९५५ मा कारोबार भएकोमा आज त्यो मूल्य बढेर रु ३,०२५ पुगेको महासङ्घले जनाएको छ।
अन्तर्राष्ट्रिय बजारमा आज एक औँस सुन ४,०५५ अमेरिकी डलर मा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
