म्यामोग्राफी मेसिन खरिदमा भ्रष्टाचार: १४ जनाविरुद्ध विशेष अदालतमा मुद्दा

Published on

काठमाडौँ, कात्तिक २ — अख्तियार दुरुपयोग अनुसन्धान आयोगले स्वास्थ्य सेवा विभागका तत्कालीन महानिर्देशक डा. सङ्गीता कौशल मिश्रासहित १४ जनाविरुद्ध भ्रष्टाचारको अभियोगमा विशेष अदालतमा मुद्दा दायर गरेको छ।

स्वास्थ्य सेवा विभागमार्फत आ.व. २०८०/८१ मा गरिएको म्यामोग्राफी मेसिन खरिद प्रक्रियामा व्यापक अनियमितता भएको निष्कर्ष निकाल्दै आयोगले करिब १४ करोड रुपैयाँ सरकारी कोषबाट हिनामिना गरिएको ठहर गरेको हो।

खरिद प्रक्रियामै मिलेमतो

आयोगका अनुसार खरिदको प्रारम्भिक चरण — लागत अनुमान बनाउने कामदेखि नै विभागका अधिकारी र आपूर्तिकर्ताबीच मिलेमतो देखिएको छ। ठेक्कापत्र तयार गर्ने, दररेट निर्धारण, प्राविधिक परीक्षण, र भुक्तानी दिने सबै प्रक्रियामा नियतवश नियम विपरीत काम गरिएको आयोगको ठहर छ।

झुट्टा प्रतिवेदन र भुक्तानी

अनुसार, आपूर्तिकर्ता म्यासिम इन्करपाेरेसन टेडर्स प्रालिले ८ करोड १३ लाख रुपैयाँ बराबरको सामान मात्र आयात गरे पनि विभागले कम्पनीलाई १४ करोड १८ लाख १५ हजार रुपैयाँ भुक्तानी दिएको पाइएको छ। बाँकी रकम झुट्टा बिल, गलत प्रतिवेदन र आपूर्ति नहुँदै “सम्पूर्ण सामान प्राप्त” भएको भनी पेश गरिएका कागजातका आधारमा भुक्तानी गरिएको हो।

प्रतिवादीहरू को–को?

आयोगले मुद्दामा समावेश गरेका प्रमुख प्रतिवादीहरूमा डा. सङ्गीता कौशल मिश्रासँगै तत्कालीन निर्देशक डा. श्रवणकुमार थापा, डा. विवेककुमार लाल, वरिष्ठ स्वास्थ्य प्रशासक डा. सुरेन्द्रप्रसाद चौरसिया, बायोमेडिकल इन्जिनियर आशिष चौहान र पध्मा मिश्र, तथा आपूर्तिकर्ता कम्पनीका सञ्चालक सुन्दर भुसाललगायत १४ जना छन्।

आयोगको निष्कर्ष

आयोगका प्रवक्ता राजेन्द्रकुमार पौडेलका अनुसार, सार्वजनिक खरिद ऐन, २०६३ र नियमावली २०६४ उल्लङ्घन गर्दै सरकारलाई रु. १४ करोडभन्दा बढीको क्षति पुर्‍याइएको प्रमाणसहित भ्रष्टाचार निवारण ऐन, २०५९ बमोजिम मुद्दा दायर गरिएको हो।

यस प्रकरणले सार्वजनिक खरिद प्रणालीमाथि गम्भीर प्रश्न उठाएको भन्दै आयोगले दोषी ठहर हुनेहरूमाथि कानुनी कारबाही हुनुपर्नेमा जोड दिएको छ।

spot_img

ताजा समाचार

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...

नेपाल प्रहरीको ३४औँ आईजीपी बने डा. मनोज केसी, दानबहादुर कार्की विशेष सुरक्षा सल्लाहकारमा सरुवा

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...

प्रहरी महानिरीक्षक दानबहादुर कार्की पदमुक्त

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...

इसराइललाई वार्षिक चार अर्ब डलर सहायता रोक्ने ट्रम्पको घोषणा

  काठमाडौँ । अमेरिकी राष्ट्रपति डोनाल्ड ट्रम्पले इसराइललाई दिँदै आएको वार्षिक करिब चार अर्ब अमेरिकी...