२० वर्षअघि भएको हत्या आरोपमा एक पक्राउ

Published on

काठमाडौं ।  म्याग्दीमा २० वर्ष अघि भएको एक हत्या घटनामा संलग्न भएको आरोपमा एकजनालाई प्रहरीले पक्राउ गरेको । जिल्ला प्रहरी कार्यालय म्याग्दीका अनुसार २०६२ साल असोज ६ गते राति बेनी नगरपालिका-६ (साविक अर्थुङ्गे-८) माझखेतका ६५ वर्षीय कर्णबहादुर घर्ती क्षेत्रीको हत्यामा संलग्न कृष्ण भन्ने ठहरबहादुर घर्ती क्षेत्रीलाई प्रहरीले पक्राउ गरी आवश्यक अनुसन्धान प्रक्रिया अगाडि बढाएको छ ।  बेनी नगरपालिका वडा ६ जरबुटा बस्ने वर्ष ४३ का घर्तीलाई गोप्य सूचनाको आधारमा यही कात्तिक ७ गते बेलुका ९ बजेको समयमा निजकै घरमा लुकिछिपी बसिरहेको अवस्थामा पक्राउ गरिएको प्रहरी नायब उपरीक्षक सूर्यबहादुर थापाले जानकारी दिनुभयो । पक्राउ परेका घर्तीले प्रहरी समक्ष हत्यामा आफू संलग्न भएको स्वीकार गरेको उहाँले बताउनुभयो । 

तत्कालीन समयमा घरको पिँढीमा सुतिरहेको अवस्थामा टाउकोमा दाउराको चिर्पटले प्रहार गरी कर्णबहादुरको हत्या गरिएको थियो । सो क्रममा उहाँको श्रीमती ६० वर्षीय इन्द्रकुमारी घर्ती क्षेत्रीलाई पनि प्रहार गरी गम्भीर घाइते बनाई सुनका गरगहना लुटिएको प्रहरीको घटना विवरणमा उल्लेख छ ।  उक्त घटनामा संलग्न रहेको आशङ्कामा प्रहरीले मृतकका आफन्त ठहरबहादुरलाई खोजी गर्दै आएको थियो । ठहरबहादुर हत्या घटनापछि गाउँबाट भागेर अन्यत्र गएका थिए ।  ठहरबहादुर २०५९ पुस महिनादेखि जबरजस्ती करणी मुद्दामा अदालतबाट १० वर्ष कैद सजाय भई ८ वर्ष ९ महिना ५ दिन कैद बाँकी हुँदा २०६० सालमा तत्कालीन नेकपा माओवादीले बेनी आक्रमणका क्रममा म्याग्दी कारागारबाट भागेर फरार भएका थिए । कारागारबाट फरार भएका ठहरबहादुरले २०६२ असोज ६ गते राती आफन्त पर्ने कर्णबहादुरको हत्या गरेको प्रहरीको भनाइ छ । 

हत्या घटनापछि ठहरबहादुर भारतको मुम्बईमा पाँच वर्ष बसेको पाइएको अनुसन्धानका क्रममा खुलेको छ । त्यसपछि पोखरामा कान्छी श्रीमतीसँग बस्दै विभिन्न ठाउँमा ज्यामी र मिस्त्रीको काम गरेर लुकीबसेको अनुसन्धानका क्रममा पत्ता लागेको  प्रहरी नायब उपरीक्षक थापाले बताउनुभयो । प्रारम्भिक अनुसन्धानमा ठहरबहादुरले अपराध स्वीकार गरेको उहाँले जानकारी दिनुभयो ।  प्रहरीका अनुसार मृतक र मृतककी श्रीमतीसँग  काम गरेपछि थप पैसा माग्दा ‘जेलमा सड्ने मान्छेले पैसा किन माग्छस्’ भन्दै हाँसेपछि रिसमा आएर राति गएर दाउराले प्रहार गरी हत्या गरेको अनुसन्धानका क्रममा खुलेको प्रहरीको भनाइ छ ।  प्रहरीले हत्यामा संलग्नलाई मुलुकी अपराध संहिता २०७४ बमोजिम ज्यानसम्बन्धी कसुरमा म्याग्दी जिल्ला अदालतबाट १० दिनको म्याद लिई थप अनुसन्धान अघि बढाइएको प्रहरी नायब उपरीक्षक थापाले जानकारी दिनुभयो । गोरखापत्र

spot_img

ताजा समाचार

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...

नेपाल प्रहरीको ३४औँ आईजीपी बने डा. मनोज केसी, दानबहादुर कार्की विशेष सुरक्षा सल्लाहकारमा सरुवा

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...

प्रहरी महानिरीक्षक दानबहादुर कार्की पदमुक्त

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...

इसराइललाई वार्षिक चार अर्ब डलर सहायता रोक्ने ट्रम्पको घोषणा

  काठमाडौँ । अमेरिकी राष्ट्रपति डोनाल्ड ट्रम्पले इसराइललाई दिँदै आएको वार्षिक करिब चार अर्ब अमेरिकी...