काठमाडौं । सप्तरीको कञ्चनरुप नगरपालिका–८ स्थित डिठा पोखरीमा मङ्गलबार एक पुरुषको डुबेर मृत्यु भएको छ। छठ पर्व मनाउने क्रममा पोखरीमा गएका सोही नगरपालिकाका वडा नं. ९ निवासी ५० वर्षीय सुरज राम (सुर्जा) पोखरीमा डुबेका हुन्।
इलाका प्रहरी कार्यालय कञ्चनपुरका प्रहरी नायब उपरीक्षक माधव प्रसाद काफ्लेका अनुसार रामले मादक पदार्थ सेवन गरी पोखरीमा पौडी खेल्ने क्रममा डुबेर ज्यान गुमाएका हुन्।
प्रहरीका अनुसार मृतकको शव पोष्टमार्टमका लागि राजविराजस्थित गजेन्द्रनारायण सिंह अस्पताल पठाउने तयारी भइरहेको छ।
