काठमाडौं । सप्तरी प्रहरीले प्रतिबन्धित लागुऔषध ब्राउनसुगर सहित दुई युवकलाई नियन्त्रणमा लिएको छ। जिल्लाको सुरुङ्गा नगरपालिका–४ कनकपुर चौक नजिकबाट प्रहरीले उनीहरूलाई पक्राउ गरेको हो। पक्राउ पर्नेहरूमा सोही ठाउँका २५ वर्षीय अमिर कान्त चौधरी र २४ वर्षीय दिपक कुमार चौधरी रहेका छन्। इलाका प्रहरी कार्यालय भेडियाबाट खटिएको गस्ती टोलीले शुक्रबार कदमाहाबाट भेडिया तर्फ आउँदै गरेका बेला दुवै जनालाई रोकि जाँच गरेको थियो। जाँचका क्रममा दिपक चौधरीको हातमा रहेको कालो प्लास्टिकभित्र तीनवटा साना पुरिया फेला परे।
पुरिया खोलेर हेर्दा ब्राउनसुगर जस्तो देखिने पदार्थ भेटिएको जिल्ला प्रहरी कार्यालय सप्तरीका प्रहरी नायब उपरीक्षक डम्बर बहादुर पुरीले जानकारी दिनुभयो। डिजिटल तराजुमा तौल गर्दा उक्त पदार्थको तौल प्लास्टिकसहित ०.२८० ग्राम र प्लास्टिक हटाउँदा ०.७० ग्राम रहेको बताइएको छ।पक्राउ परेका दुवै जनाको साथबाट रियलमी कम्पनीका दुईवटा मोबाइल फोन समेत बरामद गरिएको प्रहरीले जनाएको छ। हाल उनीहरू विरुद्ध थप अनुसन्धान भइरहेको जिल्ला प्रहरी कार्यालय सप्तरीले जानकारी दिएको छ।
