काठमाडौं — नेपाल सेन्ट्रल एसियन भलिबल सङ्घ (काभा) यू–१९ महिला भलिबल च्याम्पियनसिपमा उपविजेता बनेको छ। आइतबार श्रीलङ्काको कोलम्बोमा भएको फाइनल खेलमा नेपाल किर्गिस्तानसँग ३–२ सेटले पराजित भयो। किर्गिस्तानले नेपालमाथि २२–२५, २५–२०, २५–२१, १३–२५ र १५–११ को नतिजासहित जित दर्ता गरेको हो।
चार टोली सहभागी प्रतियोगितामा नेपालले समूह चरणमा श्रीलङ्का र माल्दिभ्सलाई पराजित गर्दै उत्कृष्ट प्रदर्शन गरेको थियो। त्यसपछि नेपालले सेमिफाइनलमा पुनः माल्दिभ्सलाई हराउँदै फाइनलमा स्थान बनाएको थियो। नेपालको यो प्रदर्शनले क्षेत्रीय स्तरमा महिला भलिबलमा निरन्तर प्रगति भएको संकेत गरेको खेल विश्लेषकहरूले बताएका छन्।
