काठमाडौं । श्रीलङ्कामा विनासकारी चक्रवात “दितवा” का कारण बन्द भएका अधिकांश सरकारी तथा निजी विद्यालय मङ्गलबारदेखि पुनः खोलेको एक वरिष्ठ अधिकारीले बताउनु भएको छ । शिक्षा मन्त्रालयका सचिव नालाका कालुवेवाका अनुसार दश हजार ७६ वटा प्रभावित विद्यालय मध्ये नौ हजार ९२९ विद्यालय पुनः खोलिएको छ भने तीन प्रान्तका १४७ विद्यालय आपतकालीन अवस्थाका कारण अझै बन्द रहेका छन् । वन्द विद्यालय उवा, मध्य र उत्तर पश्चिमी प्रान्तमा छन्, जुन चक्रवातका कारण सबैभन्दा बढी प्रभावित भएका थिए ।
विपद प्रभावित क्षेत्रका विद्यार्थीलाई सहयोग गर्न श्रीलङ्का यातायात बोर्ड र श्रीलङ्का रेलवे विभागले बाँकी वर्षका लागि विद्यालय स्थरका विद्यार्थीलाई निः शुल्क यातायात सेवा प्रदान गर्ने जनाएको छ । यसैबिच शिक्षा मन्त्रालयले सन् २०२५ को शैक्षिक वर्षका लागि कक्षा ६ देखि १० सम्मका विद्यार्थीका लागि तेस्रो अवधिको परीक्षामा रोक लगाएको छ । यस अघि श्रीलङ्कामा विद्यालयको दोस्रो चरण डिसेम्बर-८ देखि सुरु हुने तय गरिएको थियो । तर, शिक्षा मन्त्रालयले विनासकारी चक्रवातले निम्त्याएको विपत्तिको कारण विद्यालय तोकिएको समयमा खोल्न नसकिएको जनाएको छ । गोरखापत्र
