काठमाडौं । नेपाली कांग्रेसका कास्की–२ का उम्मेदवार माधवप्रसाद बास्तोला निर्वाचन अभियानका क्रममा घाइते हुनुभएको छ। पोखरा–११ फूलबारीमा नागरिक भेटघाटका क्रममा सिँढीबाट चिप्लिँदा उहाँको देब्रे हात फ्र्याक्चर भएको हो। बास्तोलाको मणिपाल शिक्षण अस्पतालमा उपचार भइरहेको नेपाली कांग्रेसका नेताहरुले जानकारी दिनुभएको छ। चिकित्सककाअनुसार बास्तोलाको स्वास्थ्य अवस्थामा ठूलो समस्या नभएको जनाइएको छ।
