काठमाडौं । बागलुङको जैमिनी नगरपालिका–४ सर्कुवामा पिकअप जिप दुर्घटना हुँदा एक जना सहचालक घाइते भएका छन्। बेलबगरबाट सर्कुवातर्फ जाँदै गरेको लु ०१००१ च ३०५९ नम्बरको पिकअप जिप दुर्घटनामा परेपछि सहचालक जैमिनी नगरपालिका–४ का २० वर्षीय सुनिल नेपाली घाइते भएको प्रहरी चौकी कुश्मीसेराले जनाएको छ।
प्रहरी सहायक निरीक्षक सन्तोषकुमार पाण्डेका अनुसार घाइते नेपालीको खुट्टामा चोट लागेको छ र थप उपचारका लागि पोखरा पठाइएको छ। दुर्घटना राति करिब ११ बजे भएको हो। रोकिराखिएको अवस्थामा रहेको पिकअप जिप सडकबाट करिब ५० मिटर तल खसेर रुखमा अड्किएको अवस्थामा भेटिएको प्रहरीले जनाएको छ। दुर्घटनाको कारणबारे प्रहरीले थप अनुसन्धान गरिरहेको छ।
