काठमाडौं । इलाम निर्वाचन क्षेत्र – १ मा जारी मतगणनामा नेकपा एमालेका काजीमान कागतेले अग्रता बढाउँदै जानुु भएको छ । अहिले सम्मको मत परिणाममा इलाम–१ मा एमालेका कागतेले सात हजार ४३८ मत प्राप्त गर्दै अग्रता कायम गर्नुभएको छ। श्रम संस्कृति पाटीका बिनोद नेम्वाङले ६ हजार ६४२ मत प्राप्त गर्नुभएको छ। कागते र नम्वाङको मतान्तर सात सय ९६ रहेको छ । यस्तै नेपाली कांग्रेसका निश्कल राईको ६ हजार ४९३ मत प्राप्त भएको छ । रास्वपाका विमल गदालको चार हजार १३९ मत प्राप्त भएको छ ।
इलाम– १ मा सन्दकपुर गाउँपालिका, माइजोगमाई गाउँपालिका, माइ नगरपालिका, इलाम नगरपालिका–१०, सूूर्योदय नगरपालिका–७ र रोङ गाउँपालिका –५ को मत गणना सम्पन्न भइसकेको छ । अहिले सम्ममा ३० हजार ५४४ मत गणना भएको छ । इलाम– १ मा ६३ हजार ६९५ मत खसेको थियो। गोरखापत्र
