काठमाडौं । नेपालगञ्जमा दुई लाख पुरस्कार राशीको रात्रीकालिन क्रिकेट प्रतियोगिता हुने भएको छ । भेरी रकर्स स्पोर्टस क्लवको आयोजनामा नेपालगन्जको बिशालनगरमा बैशाख ३ गतेदेखि रात्रीकालिन क्रिकेट प्रतियोगिता हुन थालेको हो । प्रथम हुनेलाई पहिलो संस्करणमा ५० हजार, दोस्रोमा एक लाख हुँदै तेस्रो संस्करणमा एक लाख २५ हजार रुपियाँ नगद पुरस्कार राशी राखेको क्लवले चौथो संस्करणमा भने दुई लाख पुरस्कार राशी राखेको छ ।
टेनिस बलले खेलिने प्रतियोगिता १० ओभरको हुनेछ । ३२ वटा टीमले भाग लिने प्रतियोगिताको उपविजेताले एक लाख रुपियाँ पाउने क्लवका अध्यक्ष मोहम्मद साजिद खानले जानकारी दिनुभयो । प्रतियोगितामा करिव २० लाख रुपियाँ खर्च हुने अनुमान गरिएको छ । क्लवले आयोजना गरेको यो चौथो संस्करण हो । क्लवका सचिव साहिल अन्सारीका अनुसार यस प्रतियोगितालाई सफल बनाउन नेपालगञ्ज उप–महानगरपालिका, लुम्विनी खेलकुद परिषद तथा अन्य थुपै व्यक्ति तथा संस्थाको सहयोग रहेको छ । गोरखापत्र
