प्रधानमन्त्री वालेन्द्र शाहसँग नेपालका लागि कार्यवाहक अमेरिकी राजदूत मेगन बोल्डिनले सिंहदरबारमा शिष्टाचार भेटवार्ता गरेकी छन्।
भेटमा प्रधानमन्त्री शाहले विपद्को कठिन परिस्थितिमा अमेरिकाले नेपालप्रति देखाएको ऐक्यबद्धता र सहयोगका लागि आभार व्यक्त गरे। उनले रसुवालगायत क्षेत्रमा भएको विपद्मा नेपालीसँगै विदेशी नागरिकसमेत प्रभावित भएको र जलवायु परिवर्तनका कारण यस्ता घटना बढिरहेको बताए।
प्रधानमन्त्री शाहले जलवायुजन्य विपद् जोखिम न्यूनीकरणका लागि विश्वव्यापी सहकार्य आवश्यक रहेको बताए। साथै नेपालमा अमेरिकी लगानी र पर्यटन विकासका अवसरबारे पनि छलफल भएको छ।
कार्यवाहक राजदूत बोल्डिनले रसुवा बाढीमा भएको जनधनको क्षतिप्रति दुःख व्यक्त गर्दै प्रभावित परिवारप्रति समवेदना जनाइन्। उनले राहत, पुनःस्थापना र पुनर्निर्माणमा नेपाललाई आवश्यक सहयोग गर्न अमेरिकी सरकार तयार रहेको बताइन्।
