उखुको रस औषधका लागि प्रयोग

Published on

काठमाडौं । जिल्लाको भूमे गाउँपालिका–९ का स्थानीयले उखु पेलेर निकालिएको रस औषधीका लागि प्रयोग गर्दै आएका छन् । स्थानीयले उखु पेलेर निकालिएको रसलाई पकाएर तयार भएको वस्तु विभिन्न रोगका लागि औषधीको रूपमा प्रयोग गर्दै आएका हुन् ।

उखुलाई कोलमा पेलेर निकालिएको रसलाई पकाइ थिग्रयाइएको वस्तु विभिन्न रोगका लागि औषधीको रूपमा प्रयोग गर्दै आएको भूमे–९ बिजौँराका कर्णबहादुर ओलीले बताउनुभयो । पहिले पुर्खादेखि नै उखु पेलेर निकालिएको रसलाई पकाइ तयार गरिएको वस्तु विभिन्न रोगको औषधीका लागि प्रयोग गर्दै आएको ओलीले बताउनुभयो । यस प्रकारले बनाइएको औषधी जन्डिस, हाडजोर्नीको दुःखाइ, हातखुट्टा मर्केको, पेटसम्बन्धी लगायतका रोगमा प्रयोग गर्दै आएको ओलीले बताउनुभयो । त्यसैले घरेलु उपचार औषधका लागि हरेक वर्ष उखु पेल्ने गरेको ओलीको भनाइ रहेको छ ।

अर्का स्थानीय कमला खड्काका अनुसार उखु पेलेर निकालिएको रसलाई पकाइ तयार गरिएको वस्तुलाई महको मूल्यमै बिक्री गर्ने गरिएको छ । हाल मह धार्नीको तीन हजार रहेको छ । त्यसै, अनुसार उखुको रसलाई पकाइ तयार गरिएको वस्तुलाई पनि धार्नीको तीन हजारमा बिक्री गर्ने गरेको खड्काले बताउनुभयो । भूमे–९ का स्थानीयले औषधीका लागि तयार गर्नु भएको उखुको रस छिमेकी वडा स्थानीयले समेत खरिद गर्न आउने गरेको वडाध्यक्ष विनोद बुढा मगरले बताउनुभयो । धेरै उखु भएका घरपरिवारले औषधीका लागि तयार गरेका उखुको रसबाट राम्रो आम्दानी गर्दै आएको समेत वडाध्यक्ष बुढा मगरको भनाइ रहेको छ । गोरखापत्र

spot_img

ताजा समाचार

प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान

काठमाडौँ - प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान गर्नुभएको छ।...

गल्कोट घुम्टे सहकारीको नयाँ सञ्चालक समिति निर्विरोध चयन, वित्तीय अवस्था सार्वजनिक

काठमाडौं – काठमाडौंको शंखमूल, नयाँबानेश्वरमा मुख्य कार्यालय रहेको गल्कोट घुम्टे बहुउद्देश्यीय सहकारी संस्था लिमिटेडको...

गल्कोट घुम्टे सहकारीद्वारा उपहार खबरका सञ्चालक तथा प्रधान सम्पादक रामदत्त मिश्र सम्मानित

काठमाडौं – गल्कोट घुम्टे बहुउद्देश्यीय सहकारी संस्था लिमिटेडले उपहार खबरका सञ्चालक तथा प्रधान सम्पादकलाई...

प्रधानमन्त्री बालेन आज भारतको राजकीय भ्रमणमा जाँदै, ३४ सदस्यीय टोलीको नेतृत्व गर्ने

काठमाडौं -प्रधानमन्त्री बालेन शाह आज भारतको राजकीय भ्रमणमा जाँदै हुनुहुन्छ । उहाँ ३४ सदस्यीय...