अपाङ्गता भएकालाई सिपमूलक तालिम

Published on

काठमाडौं । अपाङ्गता भएका महिलालाई आत्मनिर्भरमुखी सिपमूलक तालिम प्रदान गरिएको छ । महिलालाई आयआर्जन तथा स्वरोजगार बनाउन तालिमको आयोजना गरिएको हो । सुदूरपश्चिम प्रदेश सामाजिक विकास मन्त्रालय अन्तर्गत सामाजिक विकास कार्यालयले यस किसिमको तालिम आयोजना गरेको सो कार्यालय प्रमुख कुलराज सोतीले जानकारी दिनुभयो । डडेलधुराका सात वटै पालिकाबाट २० जना अपाङ्गता भएका महिलालाई तालिम दिइएको उहाँले बताउनुभयो । सातदिने तालिममा पाँच दिन बाख्रापालन, आयआर्जन र दुई दिन नेतृत्व विकास तालिम दिइने छ । उक्त तालिममा आधुनिक खोर बनाउने तरिका, बाख्रापालन गर्न आवश्यक ज्ञान, सिप, बाख्रामा हुने रोग, सङ्क्रमण र उपचार पद्धतिबारे जानकारी गराइने छ ।

बाख्रापालन तालिमपछि उचित बजार व्यवस्थापन गर्न नेतृत्व विकाससम्बन्धी पनि तालिम दिइन लागेको उहाँको भनाइ छ । सहभागीलाई दुई बाख्रा खरिदका लागि अनुदानस्वरूप २०\२० हजार रुपियाँ उपलब्ध गरिने कार्यालय प्रमुख सोतीले बताउनुभयो । उक्त अनुदानको दुरुपयोग गरेमा सो रकम बराबर असुलउपर गरिने गरेर कागजपत्र बनाइने छ । तालिमको उद्घाटन गर्दै मन्त्रालयका सचिव चक्र पाण्डेयले शिक्षा, स्वास्थ्य, महिला, बालबालिका र खेलकुदका क्षेत्र प्राथमिकतामा रहेको बताउनुभयो । उहाँले ज्येष्ठ नागरिक, महिला, बालबालिका, संस्कृति पक्षलाई समेट्न नसकेको बताउनुभयो । गोरखापत्र

spot_img

ताजा समाचार

प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान

काठमाडौँ - प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान गर्नुभएको छ।...

गल्कोट घुम्टे सहकारीको नयाँ सञ्चालक समिति निर्विरोध चयन, वित्तीय अवस्था सार्वजनिक

काठमाडौं – काठमाडौंको शंखमूल, नयाँबानेश्वरमा मुख्य कार्यालय रहेको गल्कोट घुम्टे बहुउद्देश्यीय सहकारी संस्था लिमिटेडको...

गल्कोट घुम्टे सहकारीद्वारा उपहार खबरका सञ्चालक तथा प्रधान सम्पादक रामदत्त मिश्र सम्मानित

काठमाडौं – गल्कोट घुम्टे बहुउद्देश्यीय सहकारी संस्था लिमिटेडले उपहार खबरका सञ्चालक तथा प्रधान सम्पादकलाई...

प्रधानमन्त्री बालेन आज भारतको राजकीय भ्रमणमा जाँदै, ३४ सदस्यीय टोलीको नेतृत्व गर्ने

काठमाडौं -प्रधानमन्त्री बालेन शाह आज भारतको राजकीय भ्रमणमा जाँदै हुनुहुन्छ । उहाँ ३४ सदस्यीय...