काठमाडौं । फ्रान्सेली स्टार केलियन एम्बाप्पे चम्किएपछि स्पेनिस ला लिगामा रियल म्याड्रिडले बेटिसमाथि सहज जित निकालेको छ ।
घरेलु मैदानमा आइतबार राति भएको खेलमा रियलले रियल बेटिसलाई २–० गोलले हरायो । रियलको जितमा दुवै गोल एम्बाप्पेले गर्नुभयो । यसै सिजन फ्रेन्च क्लब पेरिस सेन्ट जर्मेन (पीएसजी) बाट स्पेन पुग्नुभएका एम्बाप्पेको रियलमा यो डेब्यु गोल पनि हो । दुवै गोल दोस्रो हाफमा सम्भव भएको खेलमा एम्बाप्पेले ६७औँ र ७५औँ मिनेटमा गोल गर्नुभएको थियो । जितसँगै चार खेलबाट आठ अङ्क बनाएको रियल तालिकाको दोस्रो स्थानमा छ । तीन खेलबाट दुई अङ्क बटुलेको बेटिस १७औँ स्थानमा छ । शीर्षस्थानमा रहेको बार्सिलोनाको चार खेलबाट १२ अङ्क छ । एजेन्सी
