काठमाडौं । हिमालयन च्यालेन्जर्स फिडे रेटिङ क्लासिकल चेसको सातौं दिन शनिबार शीर्षस्थानमा रहेका अभिक शाहले उजिभानी कँडेललाई पराजित गर्दै पाँच अङ्कको अग्रतालाई कायमै राख्नुभएको छ । लगातार सात खेल जितेका अभिकले अधिकतम २१ अङ्कको जोडेर शीरषस्थानमा पकड बलियो बनाउनुभएको छ । दोस्रो वरीयताका सजल न्यौपाने १६ अङ्कसहित दोस्रोमा हुनुहुन्छ ।
उहाँले सातौँ चरणमा अनरेटेड खेलाडी अरिज राईलाई पराजित गर्नुभयो । लियोन महर्जनलाई हराएर १५ अङ्क बनाउनुभएकी निहाना श्रेष्ठ तेस्रो स्थानमा हुनुहुन्छ । १९१८ रेटेड अभिकले आठौँ चरणमा निहानाविरुद्ध प्रतिस्पर्धा गर्नुहुनेछ । निहानाविरुद्ध जित हासिल गर्नसके अभिकले एक खेल बॉकी छँदै उपाधि पक्का गर्नुहुनेछ । गोरखापत्र
