काठमाडौं । बङ्गलादेशमा बिहिबारलाई तय भएको १३ औँ आम चुनाव र जुलाईमा हुने जनमत संग्रह अनुगमन गर्न कम्तिमा ३९४ जना अन्तर्राष्ट्रिय निर्वाचन पर्यवेक्षक र १९७ विदेशी पत्रकार बंगलादेश आइपुगेको जनाइएको छ । अन्तर्राष्ट्रिय पर्यवेक्षक मध्ये ८० जनाले विभिन्न अन्तर्राष्ट्रिय सङ्गठनको प्रतिनिधित्व गरेको जनाइएको छ । स्वतन्त्र युरोपेली पर्यवेक्षकसहित द्विपक्षीय देशबाट २४० जना पर्यवेक्षक हटाएको जनाइएको छ । अन्य ५१ जना विभिन्न विश्वव्यापी संस्थासँग सम्बद्ध व्यक्ति रहेको विज्ञप्तिमा उल्लेख छ ।
पर्यवेक्षक मिसन पठाउने प्रमुख संस्थामा एसियन नेटवर्क फर फ्री इलेक्शन्स (एएनएफआरइएल) छ भने अमेरिकास्थित इन्टरनेसनल रिपब्लिकन इन्स्टिच्युट (आइआरआई)ले १९ जना पर्यवेक्षक तैनाथ गरेको छ । यसै गरी नेसनल डेमोक्र्याटिक इन्स्टिच्युट (एनडीआई)ले एक जना पर्यवेक्षक पठाएको छ । अन्य सङ्गठनमा इस्लामिक सहयोग सङ्गठन (ओआईसी), एसियाली राजनीतिक दलको अन्तर्राष्ट्रिय सम्मेलन (आइसिएपीपी) र युरोपेली युनीयन समावेश छन् ।
युरोपेली सङ्घबाहेक २१ वटा देशबाट पर्यवेक्षक आउँदै छन् । पाकिस्तान (८), भुटान (२), श्रीलङ्का (११), नेपाल (१), इन्डोनेसिया (३) र फिलिपिन्स (२) मलेसिया (६) जोर्डन (२) टर्की (१३) इरान (३) जर्जिया (२) र रुस (२) बाट पनि पर्यवेक्षक आइपुगेका छन् । अन्य सहभागी देशमा चीन (३) जापान (४) दक्षिण कोरिया (२) किर्गिजस्तान (२) उज्बेकिस्तान (२) दक्षिण अफ्रिका (२) र नाइजेरिया (४) समावेश छन् ।
भ्वाइस फर जस्टिस, डेमोक्रेसी इन्टरनेसनल, एसएनएएस अफ्रिका, सार्क ह्युमन राइट्स फाउन्डेसन र पोलिश इन्स्टिच्युट अफ इन्टरनेसनल अफेयर्स जस्ता संस्थाका पर्यवेक्षकले चुनावको अनुगमन गर्ने छन् । अन्तर्राष्ट्रिय पर्यवेक्षक भ्रमणको समन्वयलाई समर्थन गर्दै वरिष्ठ सचिव तथा एसडिजी संयोजक लामिया मोर्सेदले यसले बङ्गलादेशको अन्तरिम सरकारमा स्वतन्त्र, निष्पक्ष र सहभागी निर्वाचन गर्न विश्व समुदायको विश्वासलाई प्रतिबिम्बित गरेको बताउनु भएको छ ।
उच्च-स्तरीय सहभागीमा घानाका पूर्व राष्ट्रपति नाना आडो डानक्वा अकुफो-आडो र भुटानका मुख्य निर्वाचन आयुक्त डेकी पेमा आएको जनाइएको छ । बङ्गलादेशका लागि टर्कीका पूर्व राजदूत मेहमेत भाकुर एर्कुल र बेलायतको हाउस अफ लड्र्सका पूर्व सरकारी उप मुख्य सचेतक लर्ड रिचर्ड न्युबी पनि सहभागी भएको जनाइएको छ ।
मलेसियाको निर्वाचन आयोगका अधिकारी रामलान बीर हरुन र इरानी सांसद बेहनम सइदी, विदेश नीति तथा राष्ट्रिय सुरक्षा आयोगको प्रिसाइडिङ बोर्डका सदस्य पनि प्रतिनिधि मण्डलमा रहेको जनाइएको छ । करिब ५० भन्दा बढी राजनीतिक दल र स्वतन्त्र उम्मेदवारको प्रतिनिधित्व गर्ने दुई हजार भन्दा बढी उम्मेद्वारले संसदीय सिटमा प्रतिस्पर्धा गरिरहेका छन् । भने आगमी जुलाईमा जनमत संग्रहको साथै आम चुनाव हुने कार्यक्रम तय भएको छ । गोरखापत्र
