काठमाडौं । स्पेनिस महारथि बार्सिलोना कोपा डेल रेको उपाधि दौडबाट बाहिरिएको छ । घरेलु मैदानमा मङ्गलबार राति भएको दोस्रो लेगमा एट्लेटिको म्याड्रिडलाई ३–० गोलले हराएपनि बार्सिलोना बाहिरिएको हो । एट्लेटिको समग्रमा ४–३ गोलले विजयी भयो । यसअघि पहिलो लेगमा बार्सिलोना एट्लेटिकोसँग ४–० गोलले पराजित भएको थियो । क्याम्प नोउमा बार्सिलोनालाई जिताउन मार्क बेर्नालले दुई तथा कप्तान राफिन्हाले एक गोल गर्नुभयो । लगातार थप गोलको अवसर बनाएपनि बार्सिलोनालाई गोल प्रयाप्त बनेन । फाइनलमा एट्लेटिकोले रियाल सोसिडाड र एथ्लेटिको क्लबबिचको विजेतासँग खेल्नेछ । यसअघि पहिलो लेगमा सोसिडाड १–० गोलले अगाडि रहेको छ । गोरखापत्र
