काठमाडौँ — राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्ध दर्ता भएको संगठित अपराध र सम्पत्ति शुद्धीकरणसम्बन्धी अभियोगपत्र फिर्ता लिने निर्णयविरुद्ध दायर गरिएको रिटमाथि सर्वोच्च अदालत मा सुनुवाइका लागि पेसी तोकिएको छ। सविता भण्डारी नेतृत्वको महान्यायाधिवक्ताको कार्यालय ले लामिछानेसहित ५० भन्दा बढी प्रतिवादीविरुद्ध विभिन्न जिल्लामा विचाराधीन रहेको संगठित अपराध र सम्पत्ति शुद्धीकरण मुद्दा संशोधन गर्न जिल्ला सरकारी वकिल कार्यालयहरूलाई निर्देशन दिएको थियो।
महान्यायाधिवक्ता भण्डारीले पुस ३० गते सदर गरेको सात पृष्ठ लामो ‘टिप्पणी र आदेश’ मार्फत सम्बन्धित जिल्ला सरकारी वकिल कार्यालय हरूलाई अभियोग संशोधन गर्न अनुमति दिएकी थिइन्। उक्त निर्णयविरुद्ध वरिष्ठ अधिवक्ता दिनेश त्रिपाठी, कानुनका विद्यार्थी आयुष बडाल र युवराज पौडेल सफल ले रिट दायर गरेका हुन्।
रिटमाथि सुनुवाइका लागि सर्वोच्च अदालतका न्यायाधीशद्वय नहकुल सुवेदी र अब्दुल अजीज मुसलमान को संयुक्त इजलासमा पेसी तोकिएको छ। अदालतमा यो मुद्दा ‘झ’ नम्बरमा राखिएको छ।
