काठमाडौं । युक्रेनका विभिन्न क्षेत्रमा रूसी मिसाइल तथा ड्रोन आक्रमणका कारण कम्तीमा पाँच जनाको मृत्यु भएको छ। पोल्तावा क्षेत्रमा दुई, जापोरिझिया, खेरसन र खार्किवमा प्रत्येक एक जनाको मृत्यु भएको क्षेत्रीय अधिकारीहरूले जनाएका छन्। आक्रमण अघि युक्रेनी राष्ट्रपति भोलोदिमिर जेलेन्स्कीले रुसी पक्षले ठूलो आक्रमणको तयारी गरिरहेको हुन सक्ने चेतावनी गुप्तचरबाट पाएको जानकारीको आधारमा दिएका थिए। खेरसन सहरको सैन्य प्रशासनका प्रमुख यारोस्लाव सान्कोले खेरसनमा एक स्थानीयको आफ्नै घरमा मृत्यु भएको जानकारी दिएका छन्।
मिडियामा क्षतिग्रस्त आवासीय भवनका तस्बिर प्रकाशित भएका छन्। पोल्तावा क्षेत्रमा दुई जनाको मृत्युसँगै सात जना घाइते भएका छन्। ड्निप्रोपेट्रोभस्क क्षेत्रका दुई जिल्लामा रुसले २० भन्दा बढी पटक आक्रमण गरेको क्षेत्रीय सैन्य प्रशासनका प्रमुख ओलेक्सान्डर गान्जाले बताएका छन्। सुमी क्षेत्रमा मिनीबस चालक ड्रोन आक्रमणबाट घाइते भएका छन्। रुसको रक्षा मन्त्रालयले हवाई सुरक्षाले युक्रेनका विभिन्न क्षेत्रमा ५५ वटा फिक्स–विङ मानव रहित हवाई आक्रमण विगतमा रोकेको पनि जनाएको छ।
