निर्माणाधीन सिद्धबाबा सुरूङ मार्गको काम ७० प्रतिशत सम्पन्न भएको छ। आयोजनाका अनुसार वित्तीय प्रगति ६३ प्रतिशत पुगेको छ भने सुरुङभित्रको फिनिसिङ कार्य सकेर आगामी कात्तिक मसान्तसम्म सवारी सञ्चालन गर्ने तयारी गरिएको छ।
मौसमका कारण केरुङ नाकामा निर्माण सामग्री रोकिँदा काममा ढिलाइ भएपछि असोजको लक्ष्य एक महिना सारिएको हो। हाल मुख्य सुरुङको सिभिल निर्माण सकिएर विद्युतीकरण र प्रवेशद्वार निर्माण भइरहेको छ।
७ अर्ब ३४ करोड २१ लाख ४० हजार रुपैयाँ लागतको यो आयोजना पूरा भएपछि सिद्धबाबा क्षेत्रको जोखिमपूर्ण सडक सुरक्षित बन्नुका साथै तराई–पहाड आवतजावत सहज हुने अपेक्षा गरिएको छ।
