यसकारण पनि जिताउनुपर्छ रमेश लेखकलाई

Published on

हेमन्ती भट्ट, काठमाडौं – पारि बनबसा हुदै दाेधाराचाँदनी पुग्नुपर्ने बाध्यता । बिरामी हुदा हाेस्, जन्तीविवाहका बखत हाेस्, भारतीय बाटो भएर महेन्द्रनगर पुुग्न झेल्नुपर्ने सकस, बाटोमा भारतीय प्रहरीको दादागिरीले आत्मसम्मानमा पुग्ने ठेस, यहाँका नागरिकका लागि कहालीलाग्दो पीडा थियो कुनै बेला । नदिबाटै पौडेर या ट्युबमा आउनखाेज्दा कयौं मानिसले ज्यान गुमाएको पीडा त झन् अहिले सम्झिदा मात्र पनि आङ सिरिङ्ग हुन्छ मान्छेहरुकाे ।
किसानहरु आफूले उत्पादन गरेको रासन खाद्यान्न बेचबिखन या तरकारी दलहन बेच्न पनि खटिमा बनबसाका भारतीय बजारमा अत्यन्तै थाेरै मूल्यमा चित्त बुझाउन बाध्य रहन्थे । महेन्द्रनगरमा कार्यालय हुने जागिरेहरु या त डेरागरि बस्नुपर्ने या त भारतीय बाटो भएर जानुपर्ने अवस्थाले कम पिराेलेकाे थिएन कुनैबेला दाेधाराचादनीलाई ।
जब झाेलुङ्गे पुल बन्यो, त्यसपछिका दिनमा सदरमुकाम आवागमनमा यहाँका जनताले ठूलो राहत पाएका छन् । यसको निर्माणले दाेधाराचादनीका जनताको सदरमुकाम महेन्द्रनगरसँग प्रत्यक्ष सम्बन्ध जाेडियाे । यहाँको उत्पादनले नेपाली बजारमा सम्मानजनक दररेट पाउन थाल्याे ।
विद्यार्थीहरु दशकक्षा पास गरेपछि उच्च शिक्षाका लागि महेन्द्रनगर पुग्नैपर्ने बाध्यता थियो । स्नातक क्याम्पस खुलेपछि यहाँका विद्यार्थीले घरआगनमै उच्च शिक्षा अध्ययन गर्न पाएका छन् ।
धेरै युवाहरु त दशकक्षा पछि रोजगारीको लागि भारत प्रवास जाने गर्दथे । अहिले पढेलेखेका सयौं युवाहरु नेपालमै सरकारी र निजी क्षेत्रमा राम्रो राेजगार पाएका तमाम उदाहरण भेटिनु सुखद पक्ष मान्नुपर्दछ ।
काेरिया लगायतका देशसँग सम्झौता गरेपछि कञ्चनपुर लगायत देशभरका लाखौं युवाहरुले आफ्नो मात्रै आर्थिक समृद्धि गरेका छैनन् बरु सिङ्गो राष्ट्रलाई आर्थिक सबलीकरणका लागि ठूलो याेगदान पुर्‍याइरहेकाछन ।

सुदूरपश्चिमका सबै जिल्लामा सामान्य बाटो पनि नभएका ठाउँमा ग्राभेल र ग्राभेल सडकहरुमा कालाेपत्रे बनेपछि जनता उत्साहित हुदै आएको सत्य हो । कञ्चनपुरको उत्तरी क्षेत्रमा खानेपानी समस्याको हाहाकार हुने गर्दथ्याे । निश्चित ठाउँहरुमा मात्रै इनार, कुवा र बाेरिङ भएको र त्यहीँबाट हजारौं परिवारले खानेपानीको गर्जाे टार्नुपर्ने बिजाेग थियो । धेरै ठाउँमा त पहाडका पधेराजस्तै सिङ्गो गाउँका मान्छे पानी भर्न घण्टौं पालाे कुरेर बस्नुपर्ने बाध्यता रहन्थ्याे । आधुनिक खानेपानी योजनाका कारण पछिल्लो दुई दशक यता क्रमशः समस्याग्रस्त सबै ठाउँमा खानेपानीको व्यवस्थापन भएपछि जनता कृतार्थ छन् । बह्मदेव, जिमुवा, मटेना, तिलकेनी, तिलाचौर, हल्दुखाल, घाडिघाँच, सुकासाल, गड्डाचौकी, बाराकुण्डा लगायतका ठाउँमा पछिल्लो दुई दशकमा क्रमशः खानेपानी योजना सुचारू छन् ।

सुदूरपश्चिमका सबै जिल्लामा विद्यालय भवनहरु, पक्की सडकसञ्जाल, एम्बुलेन्स सहयोगमा विशेष एवं सक्रिय पहलकदमी पनि भुल्न नसकिने उपलब्धि नै हुन् । विद्यार्थी आन्दोलनकाे जगमा स्थापित सुदूरपश्चिम विश्वविद्यालय महेन्द्रनगरमै स्थापना गर्न राजनीति तवरबाट नेतृत्वदायी भूमिका निर्वहन गरेर नै तत्कालीन सिद्धनाथ बहुमुखी क्याम्पस रहेको क्षेत्रमै विश्वविद्यालय केन्द्रीय क्याम्पस र प्रशासनिक मुख्यालय स्थापना सार्थक बनेको सबैले सम्झेका छन् ।
महाकाली नदीमा चारलेन पुल, महाकाली करिडोर र सुख्खा बन्दरगाह त दाेधाराचादनी, कञ्चनपुर जिल्ला र सुदूरपश्चिमका लागि मात्रै नभएर सिङ्गो देशको आर्थिक समुन्नतिका लागि एक ठूलो परिकल्पना साबित भएको छ । चारलेन पुल निर्माण सम्पन्न भै महाकाली करिडाेरकाे प्रारम्भिक कामपनि सन्तोषजनक देखिनुले अब बन्दरगाह निर्माणकार्य सिघ्र सुरुवात गराउन पनि विगतका पहलकदमीकाे उचित मूल्यांकन गर्नु उपयुुक्त नै हुनेछ ।
अहिलेकाे चुनावमा प्रतिबद्धता जनाइरहेकाे विषय सम्बन्धमा रमेश लेखकले अघि सारेका मुद्दामा रमेश लेखकले अघि सारेका मुद्दामा,
नेपाल भारत चीन जाेड्ने त्रिदेशीय नाका निर्माणलाई मूर्तरुप दिनसके देशले नै ठूलो व्यापारिक, औद्योगिक र राेजगारीकाे ढाेेका खाेल्ने आधार तय गराउँछ । यसलाई सिङ्गो देशको आर्थिक समृद्धिकाे ठूलो जग मान्नसकिन्छ ।
मझगाउ विमानस्थल सिघ्र पुनर्निर्माण गरि सञ्चालनमा ल्याउनपनि अत्यन्तै जरुरी छ । महाकाली तटीय क्षेत्र, जाेगबुडा नदीमा कुतियाकबरसम्म बलियो पक्की तटबन्ध निर्माण गर्नुपर्छ । शुक्लाफाटा आरक्ष, सिद्धनाथ, बैजनाथ, कलपठे, भमकेनीधाम, लगायतका पर्यटकीय एवं धार्मिक आस्थाका केन्द्रहरुलाई संरक्षण संवर्धन र प्रचारप्रसारमा ल्याई पर्यटनको गन्तव्यका रुपमा पनि विकास गर्नुपर्नेमा जाेड दिनुपर्छ ।
कञ्चनपुरको पुरानो महाकाली प्रादेशिक अस्पतालकाे स्तराेन्नति गरि हरेक राेगकाे विशेषज्ञसेवासहितकाे उपचार सहज बनाउन विशेष पहल गर्नु जरुरी देखिन्छ । यस अस्पताललाई नमूना एवं नागरिकको विश्वासिलो उपचार केन्द्र सँगसँगै दाेधाराचादनीकाे स्वास्थ्यचौकीमा पनि विशेषज्ञ सुविधा र सर्पदंश उपचार केन्द्र स्थापना गर्नुपर्ने दायित्वबाेध हुनुखल्लामुसेट्टिकाे प्राचीन दरबारको भग्नावशेषलाई पुरानै मौलिक शैली अध्ययन गरि पुनर्निर्माण गरिनुपर्छ । जिल्लामै युवा स्वराेजगारका नयानया योजना ल्याउनसक्नुपर्छ । सभ्य र सुसंसकृत समाज निर्माणका लागि समयोपयाेगी प्राविधिक शिक्षा सँगसँगै नयाँ पुस्तालाई हाम्रो धर्म, संस्कृति, पुरातत्त्व, इतिहासप्रति गौरवान्वित बनाउने किसिमका पाठ्यक्रम तयारगरि लागू गराउनतर्फ विशेष ध्यान दिनुपर्छ ।

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...