काठमाडौं । नेपाली सेनाका प्रधान सेनापति प्रभुराम शर्माले प्रधान सेनापति खुल्ला टेनिस प्रतियोगिताको दोस्रो संस्करणमा च्याम्पियन हुने टिम त्रिभुवन आर्मी क्लबलाई ट्रफि तथा प्रमाण-पत्र प्रदान गर्नु भएको छ । जङ्गी अड्डास्थित टेनिस कोर्टमा आज आयोजित समारोहमा प्रधान सेनापतिले समापन खेल पुरुष एकल खुल्ला प्रतियोगिताका विजेता कास्की जिल्ला टेनिस संघका अभिषेक बास्तोला र महिला एकलतर्फ विजयी हुने सुनिरा थापा लगायतलाई पुरस्कृत गर्नुभयो ।
