एक करोड एक लाखको क्यान्सर उपचार कोष स्थापना

Published on

काठमाडौं । क्यान्सरकै कारण छोरा गुमाएका पराजुली दम्पतीले बिपी कोइराला मेमोरियल क्यान्सर अस्पताल भरतपुरमा एक करोड एक लाख ११ हजार १११ रुपियाँ बराबरको ‘क्यान्सर पीडित उपचार कोष’ स्थापना गर्नुभएको छ । काठमाडौँ कीर्तिपुरस्थित त्याङ्गला फाँट निवासी प्रा।डा। तीर्थराज पराजुली र उहाँकी श्रीमती शारदा पराजुलीले छोरा डा। अञ्जन पराजुलीको स्मृतिमा सो कोष स्थापना गर्नुभएको हो ।

अस्पतालमा सोमबार आयोजित कार्यक्रममा अक्षय कोष स्थापनाका लागि सम्झौता पत्रमा हस्ताक्षर गर्दै सो रकम बराबरको चेक परिवारले अस्पताललाई हस्तान्तरण गरेको छ। पराजुली दम्पतीले सो रकम आफ्नो घर जग्गा बेचेर क्यान्सर पीडितहरूका लागि सहयोग गरेको बताउनुभयो । प्रा।डा। पराजुलीले आफूले छोरा गुमाउनु पर्दा भोगेको पिडा अन्य परिवारले सहन नपरोस् भन्ने उद्देश्यका साथ कोष स्थापना गरिएको बताउनुभयो । “हाम्रो परिवारमा एक्लो छोरा गुमाउँदा जुन पिडा परेको छ, क्यान्सरकै कारण अन्य परिवारले यो पिडा भोग्न नपरोस् भनेर नै हामीले उपचार कोष स्थापना गरेका हौँ”, उहाँले भन्नुभयो ।

कोषको नाम ‘अञ्जन स्मृति क्यान्सर पीडित उपचार कोष’ राखिएको छ । अस्पतालका कार्यकारी निर्देशक डा। शिवजी पौडेलले कोषमा जम्मा भएको रकमलाई अक्षय कोष बनाएर त्यसबाट आउने ब्याज गरिब विपन्न समुदायका क्यान्सर बिरामीलाई उपचार दिने व्यवस्था मिलाउने बताउनुभयो । “यस कोषको ब्याजमार्फत आएको रकम सञ्चालन निर्देशिका बनाएर बिरामीको उपचारमा खर्च गरिने छ”, उहाँले भन्नुभयो । डा‍‍। अञ्जन पोखराको गण्डकी वोडिङ स्कुलबाट एसइई, नेपाल इन्जिनियर कलेज काठमाडौँबाट सिभिल इन्जिनियरिङ गरी अमेरिकाको पोट्रोल्याण्ड इन्जिनियरिङ युनिभर्सिटीबाट पानीको स्रोतमा आधारित इन्जिनियरिङमा स्नातकोत्तर र विद्यावारिधि सकेर रोजगारीका लागि अष्ट्रेलिया जानुभएको थियो । २०७८ साल जेठ १ गते ठुलो आन्द्राको क्यान्सरका कारण उहाँको अष्ट्रेलियामा नै निधन भएको हो । प्रा।डा। तीर्थ पराजुलीका अहिले तीन छोरी छन् ।

कोष स्थापनाका लागि सम्झौता हस्ताक्षर तथा चेक हस्तान्तरण कार्यक्रममा बोल्दै अस्पतालका अध्यक्ष डा। विजयराज न्यौपानेले कोष स्थापना गराउने परिवारलाई धन्यवाद ज्ञापन गर्नुभयो ।

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...