भूमिहिन सुकुम्बासीलाई लालपुर्जा वितरण गरिने

Published on

काठमाडौं । गोरखाका विकट गाउँपालिका धार्चेका भूमिहिन दलित र भूमिहिन सुकुम्बासी घरपरिवारलाई लालपुर्जा वितरण गर्ने अन्तिम तयारी भएको छ । राष्ट्रिय भूमि आयोग गोरखाको टोली धार्चेको हुल्चुक पुगेर प्रस्तावित जमिनको नापजाँच सकाएर जिल्ला सदरमुकाम फर्किए लगत्तै लालपुर्जा दिने काममा लागि परेको सुकुम्बासी आयोगका जिल्ला सदस्य बिपिनचन्द्र ढकालले जानकारी दिनुभयो ।

धार्चे गाउँपालिका(१ हुल्चुकमा जम्मा १३ घर भूमिहिन सुकुम्बासीहरुलाई लालपुर्जा दिनको लागि फिल्डमै गएर प्रस्तावित जमिनको नापजाँच गरि १३ घर भूमिहिन दलितलाई लालपुर्जा वितरण गरिने उहाँले बताउनुभयो । १३ घर परिवारलाई यसअघि नै निस्सा वितरण भइसकेको छ । त्यहि निस्साको आधारमा जमिनको नापजाँच भएको हो । उनीहरुलाई प्रदान गरिने जग्गा सरकारी, ऐलानी र पर्ती रहेको उहाँले जानकारी दिनुभयो । अहिले कसलाई कति जग्गा दिने भन्दा पनि १३ घर परिवार सबैलाई समान रुपले वितरण गरिने उहाँको भनाइ छ । धार्चेको धेरै ठाउँमा अब्यबस्थित बसोबासी समेत रहेकाले सुकुम्बासी भूमिहिन दलितलाई लालपुर्जा वितरण गरेपछि मात्र उनिहरुको प्रक्रिया अघि बढाईने भूमि आयोग गोरखाका सदस्य ढकालले जानकारी दिनुभयो ।

केहि दिनअघि मात्र धार्चेको हुल्चुकमा भूमि आयोगका अध्यक्ष कमला नहर्की, सदस्य बिपिन ढकाल, मिना पनेरु, नापी कार्यालय गोरखाका प्रमुख भरतराज खनाल, अमिन सुर्य बहादुर गुरुङ, सर्भेक्षक सम्झना खनाल लगाएत सिर्दिबासको नापी र मालपोत कार्यालयका कर्मचारी पुगेर सबै काम सम्पन्न गरेर फर्किएको भूमि आयोग गोरखाले जनाएको छ।

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...