सुनसरीको भोक्राहामा सुविधा सम्पन्न प्रसूति गृह निर्माण हुने

Published on

काठमाडौं । सुनसरीको भोक्राहा नरसिंह गाउँपालिका वडा नम्बर २ स्थित स्वास्थ्य चौकी भोक्राहा परिसरमा बर्थिङ्ग सेन्टर(प्रसूति गृह) भवन निर्माणका लागि शिलान्यास गरिएको छ ।

सुविधा सम्पन्न बर्थिङ्ग सेन्टर(प्रसूति गृह) निर्माणका लागि शिलान्यास गरिएको हो । भोक्राहा नरसिंह गाउँपालिका अध्यक्ष अजमल अख्तर आजादले प्रसूति गृह भवनको शिलान्यास गर्नुहुँदै महिलाहरुका लागि प्रसूति सेवामा सहजताका लागि काम अगाडि बढाएको बताउनुभयो । आजादले महिलाहरु धरान, बिराटनगर र इनरुवाको अस्पताल धाउनुपर्ने बाध्यता भएकाले त्यसलाई अन्त्य गर्न स्थानीयस्तरमै विशेषज्ञसहितको सहज सेवा उपलब्ध गराउने गरी सुविधा प्रसूति गृह निर्माणका लागि शिलान्यास गरिएको बताउनुभयो ।

आजादले प्रसूति गृहबाट प्रसूति विशेषज्ञसहित स्वास्थ्यकर्मीको टोलीले नियमित सेवा प्रदान गर्ने जानकारी दिनुभएको छ । अहिले रहेको पुरानो भवनको प्रसूति गृहबाट गर्भवती महिलालाई उपलब्ध गराइने निःशुल्क सुविधाहरू नियमित गर्भवती जाँच, आइरन चक्की वितरण, धनुष्टंकार विरुद्धको खोप (टि.टि. खोप) र प्रसूति सेवा नियमित सञ्चालन भइरहेको बताउनुभयो । प्रसूति गृह भोक्राहा नरसिंह गाउँपालिका तथा सेभ द अर्थको संयुक्त साझेदारीमा निर्माण सम्पन्न हुने स्वास्थ्य शाखा प्रमुख हिरा साहले जानकारी दिनुभयो । गोरखापत्र

ताजा समाचार

मझगाउँ विमास्थल जग्गा प्राप्तिका लागि रमेश लेखक सक्रिय

महेन्द्रनगर ९ जेठ । कञ्चनपुरको महेन्द्रनगरस्थित पुर्ननिर्माण भइरहेको मझगाउँ विमानस्थल स्तरोन्नतीका लागि रक्षामन्त्री हरि...

सशस्त्र प्रहरी निरीक्षक पौडेलद्वारा सगरमाथाको सफल आरोहण

काठमाडौं । सशस्त्र प्रहरी बल, नेपालको इतिहासमा पहिलो पटक सङ्गठनको प्रतिनिधित्व गर्नुहुँदै सशस्त्र प्रहरी...

संसद्‌मा कांग्रेसको अवरोध कायमै

काठमाडौं । प्रमुख प्रतिपक्षी दल नेपाली कांग्रेसले सहकारी ठगी प्रकरणको छानबिनका लागि संसदीय समिति...

घर, समाज र टोलका विवाद मिलाउन ‘न्याय चौतारी’

काठमाडौं । स्थानीय विवाद सामुहिक छलफल र मेलमिलापका माध्यमबाट समाधान गर्न काठमाडौँ महानगरपालिकाले ‘न्याय...