रेबिजको जोखिम बढेपछि कुकुरको बन्ध्याकरण सुरु

Published on

काठमाडौं । बाँकेको नेपालगन्ज उपमहानगरपालिकामा कुकुरले मानिसलाई टोकेका घट्ना बढ्न थालेपछि उपमहानगरमा रेबिजको जोखिम बढेको छ । दैनिकजसो कुकुरले टोकेर भेरी अस्पताल पुग्नेहरु बढ्दै गएपछि रेबिजको जोखिम कम गर्ने उद्देश्यले कुकुरको संख्या घटाउन नेपालगन्जमा सामुदायिक कुकुरको बन्ध्याकरण सुरु गरिएको उपमहानगरपालिकाले जनाएको छ ।

उपमहानगरकी पशु शाखा प्रमुख लक्ष्मी शाहीका अनुसार नेपालगन्जमा कुकुरले टोकेर हुने रेबिजको जोखिम बढ्दै जाँदा कुकुरको बढ्दो सङ्ख्या घटाउन उपमहानगरले सामुदायिक कुकुरको बन्ध्याकरण सुरु गरेको हो । बन्ध्याकरण शिविरबाट हालसम्म सय भन्दा बढी सामुदायिक कुकुरको बन्ध्याकरण गरिएको पशु शाखा प्रमुख शाहीले बताउनुभयो । उहाँले थप्नुभयो–“सामुदायिक कुकुरको सङ्ख्याका साथै रेबिज न्यूनीकरणका लागि यो अभियान सञ्चालन गरेका हौँ । नेपालगन्ज उपमहानगरमा रहेका २३० सामुदायिक कुकुरको बन्ध्याकरण गर्ने लक्ष्य राखिएको उपमहानगरको पशु शाखाले जनाएको छ । पशु चिकित्सक सुरज चौधरीले पशु अधिकारका विरुद्धमा बन्ध्याकरण नभएको उल्लेख गर्दै सामुदायिक कुकुरको बढ्दो क्रमलाई घटाउनु यसको उद्देश्य रहेको बताउनुभयो । उहाँले रेबिजसँगै अन्य विभिन्न रोगको सङ्क्रमणबाट मानिसलाई जोगाउन पनि बन्ध्याकरण आवश्यक भएकाले यो अभियान सञ्चालन गरिएको प्रष्ट पार्नुभयो ।

पशु चिकित्सक चौधरीले बन्ध्याकरण भएपछि कुकुरले टोक्ने वा भुक्ने काम कम गर्ने जानकारी दिँदै कुकुर शान्त स्वभावको हुने बताउनुभयो । नेपालगन्जमा केही दिन यता निरन्तर भइरहेको विद्युत अनियमितताले बन्ध्याकरणमा समस्या भइरहेको उहाँको भनाइ छ । सो अभियान अन्तर्गत ‘डग क्याचर’ मार्फत कुकुरलाई समातेर बन्ध्याकरण गरिने गरिएको छ । कुकुरको बन्ध्याकरण गर्नुअघि उसलाई सुई लगाएर बेहोस बनाइने पशु विज्ञको भनाइ छ । सो बन्ध्याकरण अभियानका लागि छ लाखभन्दा बढी खर्च हुने बताइएको छ । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...