बागमतीका मुख्यमन्त्रीले राजीनामा नदिने, विश्वासको मत लिने निर्णय

Published on

काठमाडौं । बागमती प्रदेशका मुख्यमन्त्री शालिकराम जम्मट्टेलले राजीनामा नदिने निर्णय गर्नुभएको छ । सङ्घमा सत्ता समीकरणमा भएको परिवर्तन भएसँगै बागमती प्रदेशको सत्तारुढ दल नेकपा (माओवादी केन्द्र)को आइबातर बसेको बागमती प्रदेश संसदीय दलको बैठकले मुख्यमन्त्री जम्कट्टेलले राजीनामा नदिने निर्णय गरेको छ ।

माओवादी केन्द्रको पार्टी कार्यालय पेरिसडाँडामा भएको संसदीय दलको बैठकमा पछिल्लो राजनीतिक अवस्थाको समीक्षासँगै मुख्यमन्त्री जम्कट्टेलले पदबाट राजीनामा नदिने निर्णय गरेको नेकपा माओवादी केन्द्र संसदीय दलका मुख्य सचेतक रत्नप्रसाद ढकालले जानकारी दिनुभयो । उहाँले मुख्यमन्त्री जम्कट्टेलले प्रदेश सभाको बैठकबाट विश्वासको मत लिने निर्णय गरेको बताउनुभयो । मुख्यमन्त्री जम्कट्टेलले विश्वासको मत लिने समयका बारेमा भने नेकपा (एमाले)का मन्त्रीहरुको राजीनामा आएपछि निर्णय गर्नुहुने जनाइएको छ ।

यस प्रदेशमा एमालेसहितका साना दलको समर्थनमा मुख्यमन्त्री बन्नुभएका जम्कट्टेललाई दिएको समर्थन फिर्तासँगै एमालेका मन्त्रीहरुले राजीनामा दिने तयारी गरेका छन् । एमाले बागमती प्रदेश संसदीय दलका नेता एवम् आर्थिक मामिला तथा योजनामन्त्री जगन्नाथ थपलियाले मुख्यमन्त्री जम्कट्टेल हेटौँडामा नरहनुभएकाले राजीनामा दिन र सरकारलाई दिएको समर्थन फिर्ता लिन रोकिएको बताउनुभयो । यद्यपि, आइतबार मुख्यमन्त्री हेटौँडामा आउने र राजीनामा दिने कार्यक्रम रहेको उहाँको भनाइ छ । सत्ता गठबन्धन परिवर्तनसँगै नेपाली कांग्रेस गत फागुनमा सत्ताबाट बाहिरिएपछि गत चैतमा मुख्यमन्त्री जम्कट्टेलले एमाले, नेकपा (एकीकृत समाजवादी) र हाम्रो नेपाली पार्टीको समर्थनसहित विश्वासको मत प्राप्त गर्नुभएको थियो । गोरखापत्र

ताजा समाचार

गर्भवती महिलाको हेलिकोप्टरबाट उद्धार

काठमाडौं । शनिबार बिहान सुत्केरी बेथा लागेका एक जना गर्भवती महिलाको हेलिकोप्टरबाट उद्धार गरिएको...

एक वर्षमा सर्पको टोकाइबाट १० जनाको मृत्यु

काठमाडौं । यही असार १२ गते दिउँसो घर नजिकै बारीमा घाँस काट्दै गरेका तुलसीपुर...

धानमा किराको समस्या, किसानलाई उत्पादन घट्ने चिन्ता

काठमाडौं । जोरायल गाउँपालिकामा–३ कोलामा रोपिएको हंसराज बास्मती धानमा किरा देखा परेको छ ।...

प्यालेस्टिनी भूमिमा इजरायली कब्जाबारे सल्लाहकार राय दिन अदालतको आदेश

काठमाडौं । अन्तर्राष्ट्रिय न्याय अदालत (आईसीजे) ले प्यालेस्टिनी क्षेत्रहरूमा इजरायलको कब्जाको कानुनी परिणामको बारेमा...