हरित पालिका निर्माण अभियान

Published on

काठमाडौं । रामेछापको खाँडादेवी गाउँपालिकाले हरित पालिका निर्माण अभियान सुरु गरेको छ । गाउँपालिकाले हरित पालिका निर्माणका लागि सडक किनार र पहिरो जान सक्ने ठाउँमा बाँस रोप्ने अभियान ल्याएको छ । त्यस्तै बाँझो जमिन र पाखोमा टिमुर तथा तेजपात र कपुर तथा बारीका कान्लामा कटहरका बिरुवा लगाउन सुरु गरेको छ । गाउँपालिकाले यो अभियानमा सहभागी हुन नागरिकलाई आह्वान गरेको छ ।

हरित पालिका निर्माण अभियान अन्तर्गत गाउँपालिकाले किसानको माग अनुसारका बिरुवा गाउँमा नै पु(याउने गाउँपालिका अध्यक्ष ज्ञानकुमार श्रेष्ठले बताउनुभयो । उहाँले भन्नुभयो, “वृक्षरोपणका लागि गाउँपालिकाले तीन हजार बाँसका कटिङ, तीन हजार टिमुर, तीन हजार कटहर, तीन हजार तेज पात र पाँच हजार कपुरका बिरुवा बन्दोबस्त गरेका छौँ । गाउँपालिकाले बिरुवा निःशुल्क प्राप्त गरेको र बस्तीसम्म निःशुल्क ढुवानीको व्यवस्था गरिरहेको छ ।” विद्यालय, वडा कार्यालय, स्वास्थ्य संस्थालगायतका सार्वजनिक स्थलमा वृक्षरोपण गरिरहेको गाउँपालिका युवा परिषद्का कार्यकारी उपाध्यक्ष मदन खड्काले बताउनुभयो । एक व्यक्ति बराबर कम्तीमा ५० बोटबिरुवा रोप्नुपर्ने नीति अनुसार वृक्षरोपणका कार्यव्रmम सञ्चालन गरिरहेको खाँडादेवी गाउँपालिका–३ को कार्यालयले आठ हजार बढी विभिन्न प्रजातिका फलफूल तथा कफीका बिरुवा व्यवस्थापन गरेको छ ।

कार्यव्रmमका लागि चालु आर्थिक वर्ष २०८०\८१ मा विनियोजित पाँच लाख रुपियाँ बराबरको बजेटमा आठ हजार एक सय वटा विभिन्न प्रजातिका फलफूल तथा कफीका बिरुवाको व्यवस्थापन गरिएको वडाध्यक्ष पुष्कर कार्कीले बताउनुभयो । उहाँले भन्नुभयो, “एक हजार पाँच सय बोट आँप, चार सय बोट लिची, एक हजार विभिन्न प्रजातिका फलफूल तथा कफीका पाँच सय बोट एभोकार्डो, दुई हजार बोट कफी र दुई हजार सात सय बोट कागतीका बिरुवा व्यवस्थापन गरी वितरण गरिरहेको छ । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...