काठमाडौं । तनहुँमा मादीनदीले बगाउँदा एक बालक बेपत्ता भएका छन् । व्यास नगरपालिका–३ देउरालीनगर, दमौली निवासी १५ वर्षीय रोनाल्ड थापा वेपत्ता भएको प्रहरीले जनाएको छ ।
प्रहरीका अनुसार बालक व्यास नगरपालिका–४ स्थित कन्काई बोडिङ स्कुल कक्षा १० मा अध्यनरत हुन् । सोमबार घरबाट विद्यालयका लागि गए पनि विद्यालय नगई साथीसँग नदीमा पौडिन गएको खुल्न आएको छ । बालक साँझ अबेरसम्म घर नफर्किएपछि मात्रै परिवारले छोरा हराएको जानकारी पाएका थिए । सोमबार दिउँसो मादीनदीले एक बालक बगाएको भनि प्रहरीमा सूचना प्राप्त भएको तनहुँका प्रहरी नायब उपरीक्षक दीपककुमार रायले जानकारी दिनुभयो ।
प्रनाउ रायका अनुसार जानकारी पाएलगत्तै खोजतलासका लागि घटनास्थलमा प्रहरी परिचालन गरिएको थियो । खोजी भइरहेको र हालसम्म फेला पार्न सकिएको छैन । अनुसन्धानका लागि बालकसँगै नदीमा नुहाउन गएका उनका दुई साथीलाई नियन्त्रणमा लिइएको प्रहरीले जनाएको छ । गोरखापत्र
