मोरङको धनपालथानमा आगलागी: एक बालिकाको मृत्यु

Published on

काठमाडौँ । मोरङको धनपालथान गाउँपालिका ६ स्थित कदमाहामा भिषण आगलागी हुँदा एक बालिकाको जलेर मृत्यु भएको छ । आगलागीबाट स्थानीय मुस्लिम बस्तीका १२ घरसहित १६ वटा टहरा जलेर नष्ट भएको छ । आगलागीमा परेर तीन वर्षे बालिका रेश्मा खातुनको मृत्यु भएको मोरङ प्रहरीका एसपी नारायण चिमरियाले जानकारी दिनुभयो । आगलागीका कारण भएको भागदौडका क्रममा हराएका भनिएका अर्का बालक भने सकुशल फेला परेको प्रहरीले जनाएको छ । अहिले प्रहरी, स्थानीय र वारुण यन्त्रको सहयोगमा आगो नियन्त्रणमा आइसकेको प्रहरी उपरीक्षक चिमरियाले जानकारी दिनुभयो । बिहानैदेखि हावा चलिरहेको र गर्मी बढेसँगै सुख्खापन बढ्दै गएको बेला आगलागी भएको हो । फुसका घरहरु नजिकै भएको र परालको मचान पनि सँगै रहेका कारण आगो गाउँमा फैलिएको थियो । दिउँसो १२ बजेतिरबाट आगलागी सुरु भएको हो । प्रहरीले घटनास्थलबाट क्षतिको विस्तृत विवरण संकलन गरिरहेको जनाएको छ ।

ताजा समाचार

राष्ट्रियसभाको बैठक सुरु

काठमाडौँ । राष्ट्रियसभाको बैठक सुरु भएको छ । बैठकमा खानेपानी मन्त्रालयसँग सम्बन्धित मौखिक प्रश्नको...

जलस्रोतले समृद्ध ब्राजिल अझै सुक्खा हुँदै

काठमाडौँ । ब्राजिल पृथ्वीको १२ प्रतिशत ताजा पानीको भण्डार भएको घर हो र यसको...

मर्स्याङ्दी जलविद्युत् केन्द्रको उत्पादन घट्यो

काठमाडौँ । तनहुँको आँबुखैरेनी गाउँपालिका–४ स्थित मर्स्याङ्दी जलविद्युत् केन्द्रको उत्पादन आधा घटेको छ ।...

दुईपाङ्ग्रे सवारी चालकसँग ‘दुई मिनेट’अभियान सुरु

काठमाडौँ । ट्राफिक प्रहरीले आज बूढानीलकण्ठ नगरपालिका क्षेत्रमा ट्राफिक नियमबारे जनचेतना फैलाउने उद्देश्यले ‘दुईपाङ्ग्रे...