बिहानदेखिको लगातार वर्षाका कारण त्रिभुवन अन्तरराष्ट्रिय विमानस्थलबाट हुने आन्तरिक उडानहरू अस्थायी रूपमा स्थगित गरिएका छन्। विमानस्थल कार्यालयका महाप्रबन्धक हङ्सराज पाण्डेले काठमाडौँ, पोखरा, भरतपुर, जनकपुर, भद्रपुर र तुम्लिङटार विमानस्थलहरूमा उडानहरू स्थगित भएको जानकारी दिनुभयो।
उहाँका अनुसार अविरल वर्षाले उडान सुरक्षा जोखिमपूर्ण हुने भएकाले आन्तरिक उडानहरू रोकिएको हो भने अन्तरराष्ट्रिय उडानहरू भने यथावत रूपमा जारी छन्। मौसमको अवस्था सुधार भएपछिमात्र आन्तरिक उडानहरू सुचारु गरिने बताइएको छ।
जल तथा मौसम विज्ञान विभागले देशभर आज र भोलि भारीदेखि अति भारी वर्षाको सम्भावना रहेको भन्दै सतर्क रहन आग्रह गरेको छ। विभागले विशेष गरी रातको समयमा झन् धेरै वर्षा हुन सक्ने जनाइएको छ।
