काठमाडौँ । झापाको झापा गाउँपालिका–२ मा आइतवार बिहान आएको बाढीले हुलाकी राजमार्गको करिब २०० मिटर भाग भत्काएको छ। कन्काई खोलामा आएको बाढीले सडक कटान गरेपछि पानी बस्तीमा पसेको हो।
जिल्ला प्रहरी कार्यालय झापाका अनुसार बाढीका कारण करिब दुईसय घर परिवार डुबानमा परेका छन्। प्रभावित परिवारलाई उद्धार गरेर सुरक्षित स्थानमा सारिएको छ।
सडक भत्किएर बाढी बस्तीमा पस्दा स्थानीयमा त्रास फैलिएको थियो। जनपथ, सशस्त्र प्रहरी र स्थानीयवासीको सहयोगमा उद्धार कार्य सम्पन्न गरिएको प्रहरीले जनाएको छ।
कन्काई खोलामा पानीको बहाव खतराको सतर्कता सीमाभन्दा माथि पुगेकोले थप सतर्कता अपनाउन आग्रह गरिएको छ।
