काठमाडौँ, असोज २२ — लुना लुइटेल मिस नेपाल वर्ल्ड २०२५ को उपाधि जितेकी छन्। दी हिडेन ट्रेजरद्वारा आयोजित ३१औँ संस्करणको मिस नेपाल प्रतियोगितामा सहभागी २६ प्रतिस्पर्धीलाई पछि पार्दै उनले उपाधि हात पारिन्।
२६ वर्षीया लुना लुइटेल हाल अस्ट्रेलियाको सिड्नीस्थित एक कलेजमा ‘पब्लिक हेल्थ’ विषयमा स्नातकोत्तर अध्ययनरत छन्। उनी प्रतियोगिताभर आत्मविश्वाससाथ प्रस्तुत भएकी थिइन्। प्रतियोगिता जितेपछि उनले ‘लर्न, अर्न एन्ड रिटर्न’ भन्ने आफ्नो जीवनमन्त्र दोहोराउँदै सामाजिक योगदानका लागि आफू प्रतिबद्ध रहेको बताइन्।
अन्य शीर्ष उपाधिहरूमा दीपशिखा नेपालले मिस नेपाल कोस्मो, उरुषा भण्डारीले मिस नेपाल इन्टरनेसनल, र सोनी घलेले मिस नेपाल अर्थ को उपाधि जिते।
गत वर्षकी विजेता आस्माकुमारी केसीले लुनालाई मिस नेपाल वर्ल्डको ताज पहिराइदिएकी थिइन्।
