काठमाडौँ, कात्तिक ५
राष्ट्रपति रामचन्द्र पौडेलले प्रथम महिला सविता पौडेलका साथ कात्तिक कृष्ण औँसी अर्थात् गाई तिहारका अवसरमा आज शीतल निवासमा गाई पूजा गर्नुभएको छ।
गाईलाई धनकी देवी लक्ष्मीको प्रतीक मानिने परम्परा अनुसार राष्ट्रपति पौडेलले विधिपूर्वक पूजाआजा गरी गाईलाई परिकार खान दिनुभएको राष्ट्रपतिको सचिवालयले जनाएको छ।
गाई तिहारको दिन नेपाली समाजमा गाईलाई सम्मानपूर्वक पूज्ने चलन छ, जसले लक्ष्मी आगमनको संकेत दिने विश्वास गरिन्छ।
