काठमाडौँ, कात्तिक ५
ताप्लेजुङको फुङलिङ नगरपालिका–८ स्थित बाहन्नदे नजिकको बानियाँ खोल्सीमा मोटरसाइकल दुर्घटना हुँदा दुई जना घाइते भएका छन्।
बुधबार बिहान ११ बजे फिदिमबाट ताप्लेजुङको पाथिभरा मन्दिरतर्फ आउँदै गरेको प्र.१–०१–०१४ प ९५१२ नम्बरको मोटरसाइकल दुर्घटना हुँदा दिल तुम्रोक र मुक्साम लिम्बू घाइते भएको जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विवेक बस्नेतले जानकारी दिनुभयो।
उहाँका अनुसार मोटरसाइकल सडकबाट करिब २०० मिटर तल खसेको थियो। दुर्घटनामा तुम्रोक गम्भीर घाइते हुनु भएको छ भने लिम्बूलाई सामान्य चोट लागेको प्रहरीले जनाएको छ।
हाल दुवै जनाको जिल्ला अस्पताल ताप्लेजुङमा उपचार भइरहेको छ।
