काठमाडौं । जुम्लाको पातारासी गाउँपालिका–५ लासी बजारमा करेन्ट लागेर एक युवकको मृत्यु भएको छ। मृतक चन्दननाथ नगरपालिका–१ आचार्यबाडाका ३१ वर्षीय अर्जुन महतारा रहेको जिल्ला प्रहरी कार्यालय जुम्लाका प्रमुख प्रहरी नायब उपरीक्षक रबिनबाबु रेग्मीले जानकारी दिनुभयो।
महतारा लासी बजारमा होटल सञ्चालन गर्दै आउनु भएका थिए। आइतबार राति करिब १० बजे ३० मिनेटमा आफ्नै घरमा सिसिटिभी क्यामेरा जडान गर्ने क्रममा उहाँलाई करेन्ट लागेको प्रहरीका अनुसार जानकारी प्राप्त भएको छ।
गम्भीर घाइते भएका महतारालाई उनका मित तथा नातेदार गणेश बुढाले कर्णाली स्वास्थ्य विज्ञान प्रतिष्ठानमा उपचारका लागि लगेको थिए। तर चिकित्सकले उपचारको क्रममा उनलाई मृत घोषित गरेको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय जुम्लाले जनाएको छ।
