काठमाडौं । ओपनर प्रियाङ्क पान्चालको ९० रनको विस्फोटक अर्धशतकको सहायतामा कर्णाली याक्सले नेपाल प्रिमियर लिग (एनपिएल) मा चितवन राइनोजलाई १६७ रनको चुनौतीपूर्ण लक्ष्य दिएको छ। कीर्तिपुरस्थित त्रिवि अन्तर्राष्ट्रिय क्रिकेट स्टेडियममा मङ्गलबार टस हारेर पहिले ब्याटिङ गरेको कर्णालीले निर्धारित २० ओभरमा तीन विकेट गुमाएर १६६ रन बनायो। पान्चालले ४८ बलमा सात चौका र छ छक्काको सहयोगमा उक्त रन बनाएका थिए। त्यस्तै, पवन सर्राफले अविजित २७, म्याक्स ओ डाउडले २० र मार्क वाटले १६ रन योगदान गरे। बलिङतर्फ चितवनका सैफ जइव, रवि बोपरा र सोहिल तान्भिरले एक–एक विकेट लिए। गोरखापत्र
