काठमाडौं । लगभग ७० लाख अस्ट्रेलियाली घातक जङ्गली आगोको उच्च जोखिममा रहेको क्षेत्रमा बसोबास गर्दै आएको गैरसरकारी संस्था क्लाइमेट काउन्सिल र इमर्जेन्सी लिडर्स फर क्लाइमेट एक्सन (इएलसिए)ले मङ्गलबार प्रकाशित गरेको प्रतिवेदनले जनाएको छ । प्रतिवेदनले प्रमुख सहरको बाहिरी इलाकामा बसोबास गरिरहेका अष्ट्रेलियाली सन २०२५ जनवरीमा लस एन्जलस (एलए) जङ्लमा लागेको आगो जस्तै सहरी आगलागीको जोखिममा रहेको चेतावनी दिएको छ । प्रतिवेदनले सिड्नी, मेलबर्न, पर्थ, एडिलेड, होबार्ट र क्यानबेराका प्रमुख सहरको बाहिरी भागमा आगलागी विनाशकारी हुने जनाएको छ ।
प्रतिवेदनका अनुसार प्रमुख शहरको बाहिरी उपनगरमा बसोबास गर्ने अष्ट्रेलियालीको सङ्ख्या सन् २००१ देखि ६५.५ प्रतिशतले बढेर ६९ लाखभन्दा बढी पुगेको छ भने उच्च जोखिममा रहेका आगो क्षेत्रमा ९० प्रतिशत घर आधुनिक बुशफायर र कमजोर मापदण्डमा निर्माण गरिएका छन् । यसले अघिल्लो अनुसन्धानलाई उद्धृत गर्दै आगलागी उच्च मृत्युको कारण भएको जनाएको छ । इएलसिएका संस्थापक र न्यू साउथ वेल्स राज्यका पूर्व अग्नि आयुक्त ग्रेग मुलिन्सले विज्ञप्तिमार्फत लगभग हरेक अष्ट्रेलियाली सहरमा लस एन्जलस जस्ता खतरनाक आगलागीको पूर्व सर्तको खतरा रहेको बताउनु भएको छ ।
उहाँले विनाशकारी आगलागीको सम्भावनालाई बढ्दो रूपमा सामना गरिरहेको बताउदै “जलवायु प्रदूषणले अहिले आगोको मौसमको अवस्था बिग्रदै आधुनिक आगो निभाउने र रोकथाम क्षमताको सीमाभन्दा बाहिर हुने बताउनु भएको छ । प्रतिवेदनले जलवायु प्रदूषण घटाउनुका साथै सहरी क्षेत्रमा आपतकालीन सेवा व्यवस्थापन क्षमतालाई प्राथमिकताका रूपमा बढाउन आग्रह गरेको छ । गोरखापत्र
