कञ्चनपुर । महेन्द्रनगर आँखा अस्पतालले भीमदत्त नगरपालिकालाई एम्बुलेन्स हस्तान्तरण गरेको छ। नेपाल नेत्र ज्योति संघ, जिल्ला शाखा कञ्चनपुर अन्तर्गत रहेको महेन्द्रनगर आँखा अस्पतालले भारतीय दूतावासबाट प्राप्त एम्बुलेन्स नगरपालिकाको स्वास्थ्य सेवा प्रवाहका लागि उपलब्ध गराएको हो।
अस्पताल र नगरपालिकाबीच भएको सम्झौता अनुसार उक्त एम्बुलेन्स सञ्चालनका लागि हस्तान्तरण गरिएको अस्पतालले जनाएको छ। यसले स्थानीय नागरिकलाई आकस्मिक स्वास्थ्य सेवामा थप सहजता पुग्ने विश्वास लिइएको छ।
