सुर्खेतमा पछिल्लो एक सातादेखि खाना पकाउने एलपी ग्यासको अभाव देखिएपछि उपभोक्ताले घण्टौँदेखि दिनौँसम्म लाइन बस्नुपर्ने अवस्था सिर्जना भएको छ। ग्यास पाउन स्थानीय रातिदेखि नै खाली सिलिण्डर लिएर डिलरमा पुग्ने गरेका छन्। विद्यार्थी, ज्येष्ठ नागरिक, अपाङ्गता भएका व्यक्ति तथा अन्य सर्वसाधारण सबैभन्दा बढी प्रभावित भएका छन्।
नेपाल आयल निगम सुर्खेतले भने ग्यासको वास्तविक अभाव नभई कृत्रिम अभाव गराइएको हुन सक्ने आशंका व्यक्त गरेको छ। प्रशासनले कारणबारे अध्ययन गरिरहेको जनाएको छ।
