कांग्रेस महाधिवेशनको मतदान भोलि बिहान ७ बजेदेखि हुने

Published on

काठमाडौँ – नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि आज हुने भनिएको मतदान स्थगित भएको छ। अब मतदान शुक्रबार बिहान ७ बजेदेखि सुरु हुने केन्द्रीय निर्वाचन समितिले जनाएको छ। यसअघि आज बिहान ७ बजेका लागि तोकिएको मतदान समय बिहान १० बजे, दिउँसो १ बजे र साढे २ बजेका लागि सारिएको थियो। तर, विभिन्न क्लस्टरतर्फ उम्मेदवारको सूची लामो भएकाले मतपत्र छपाइमा ढिलाइ भएको र मतपत्रमा हस्ताक्षर गर्न समय नपुगेपछि मतदान भोलिका लागि सारिएको हो।

महाधिवेशनमा सहभागी ७ हजार २५५ प्रतिनिधिले मतदानमार्फत नयाँ नेतृत्व चयन गर्नेछन्। सभापतिसहित पदाधिकारी र केन्द्रीय सदस्यका उम्मेदवारको अन्तिम नामावली निर्वाचन समितिले बिहीबार साँझ नै सार्वजनिक गरिसकेको छ।

यसैबीच, पदाधिकारीमा उम्मेदवारी दिएका चार जनाले आफ्नो उम्मेदवारी फिर्ता लिएका छन्। सभापतिका उम्मेदवार किशोरसिंह राठौर, खुला उपसभापतिका उम्मेदवार डा. मिनेन्द्र रिजाल र देवराज चालिसे तथा दलित क्लस्टरतर्फकी सहमहामन्त्री उम्मेदवार लक्ष्मी परियारले उम्मेदवारी फिर्ता लिएका हुन्। मतदानअघि नै तीन जना उम्मेदवार निर्विरोध निर्वाचित भएका छन्। निर्वाचन समितिका अनुसार वरिष्ठ उपसभापतिमा विश्वप्रकाश शर्मा, महिलातर्फको उपसभापतिमा पुष्पा भुसाल र काठमाडौँ उपत्यकाको महिला केन्द्रीय सदस्यमा प्रा. डा. अमिता प्रधान शाक्य निर्विरोध निर्वाचित भएका हुन्।

spot_img

ताजा समाचार

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...

नेपाल प्रहरीको ३४औँ आईजीपी बने डा. मनोज केसी, दानबहादुर कार्की विशेष सुरक्षा सल्लाहकारमा सरुवा

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...

प्रहरी महानिरीक्षक दानबहादुर कार्की पदमुक्त

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...

इसराइललाई वार्षिक चार अर्ब डलर सहायता रोक्ने ट्रम्पको घोषणा

  काठमाडौँ । अमेरिकी राष्ट्रपति डोनाल्ड ट्रम्पले इसराइललाई दिँदै आएको वार्षिक करिब चार अर्ब अमेरिकी...