महेन्द्रनगर ७ असोज । कञ्चनपुरको महेन्द्रनगर स्थित मंत्र हस्पिटलमा पहिलो पटक कानको सफल सल्यक्रिया भएको छ । हस्पिटलले गड्डाचौकीका ५७ वर्षिय लाल सिंह विष्टको पहिलो पटक कानको सफल सल्यक्रिया गरेको हो ।विगत ७ वर्षदेखि विष्टलाई कान कम सुनिने र दुवै कानबाट पिप बग्ने समस्या थियो । लामो समय कानको समस्याबाट ग्रसित रहेको उनको कानको भित्रि भाग प्वाल परेको अवस्थामा मंत्र हस्पिटलमा शुक्रवार बिहान सफल सल्लेक्रिया भएको हस्पिटलले जनाएको छ । विष्टको कानको सल्लेक्रिया सँगै हस्पिटलको पनि पहिलो नाक, कान, घाँटी रोग विषेशज्ञ तर्फ पहिलो सफल सल्यक्रिया (Myringoplasty)भएको जनाएको छ ।
सफल सल्लक्रिया पश्चात विष्टको शारिरीक अवस्था भने सामान्य नै रहेको हस्पिटलका प्रबन्धक डाक्टर गोविन्द रोकायाले बताए । यसैगरी हस्पिटलले नाक, कान, घाँटी रोग विषेशज्ञ तर्फ विभिन्न नयाँ सेवा समेत थपेको छ । नक भाच्चिएको, नाक बाङ्गो भएको, नाकबाट श्वास फेर्न गाह्रो हुने, मासु पलाएको, पिप बग्ने समस्या, कान कम सुन्ने, गलगाड भएको इत्यादी रोगको पनि हस्पिटलमा उपचार गर्ने गरिएको डाक्टर रोकायाले जानकारी दिए । यस्तै अस्पताल सँगको परामर्शमा धनगढि भन्दा महेन्द्रनगरमै सस्तो शुल्कमा सल्यक्रिया गर्न पाएको समेत विष्टले जानकारी दिएका छन् । विष्टको वेहोस गरेर सल्यक्रिया गरिएको थियो । नाक, कान, घाँटी रोग विषेशज्ञ डाक्टर रचित पोखरेल र एनेस्थीसिया विषेशज्ञ डाक्टर भावना भट्टले विष्टको सल्लक्रिया गरेका थिए ।
