निःशुल्क रुपमा नानी प्रत्यारोपण

Published on

काठमाडौं । लुम्बिनी प्रदेश सरकारले आँखाको नानी प्रत्यारोपण निःशुल्क रूपमा सुरु गरेको छ । लुम्बिनी प्रदेशका स्वास्थ्यमन्त्री राजु खनालले तुलसीपुरमा रहेको राप्ती आँखा अस्पतालमा सेवाको उद्घाटन गर्नुभएको हो ।

लुम्बिनी प्रदेश सरकारले आँखाको नानी प्रत्यारोपणका लागि कार्यविधिसमेत बनाएको छ । स्वास्थ्यमन्त्री राजु खनालले आँखामा लाग्ने चोटका कारण नागरिकले दृष्टि गुमाउने समस्या समाधानका लागि आँखाको नानी प्रत्यारोपण सेवा निःशुल्क गरिएको बताउनुभयो । उहाँले प्रदेशका पाँचवटा आँखा अस्पतालमा निःशुल्क रूपमा प्रत्यारोपण सेवा सुरु गरिएको बताउनुभयो । मन्त्री खनालले आँखा उपचारको सन्दर्भमा लुम्बिनी प्रदेशमा रहेका आँखा अस्पतालमा छिमेकी मुलुकबाट समेत उपचार गर्न आउने केन्द्रका रूपमा विकास भइरहेको बताउनुभयो । स्वास्थ्यमन्त्री खनालले प्रदेशमा रहेका आँखा अस्पतालमा आँखा, कान र नाक विशिष्टीकृत सेवा सुरु गर्नका लागि प्रदेश सरकार तयार भएको बताउनुभयो । फरक प्रसङ्गमा मन्त्री खनालले प्रदेश सरकारले मिर्गौला प्रत्यारोपण, मुटुको शल्यक्रिया र क्यान्सरका रोगीलाई दुई लाख रुपियाँ उपलब्ध गराउँदैआएको बताउनुभयो । उहाँले लुम्बिनी प्रदेशमा मातृशिशु मृत्युदर उच्च रहेकाले त्यसलाई घटाउन सङ्घ, प्रदेश र सङ्घ सरकारबिच आवश्यक समन्वय, सहकार्यको खाँचो रहेको बताउनुभयो । तुलसीपुर उपमहानगरपालिका उपप्रमुख स्यानी चौधरीले पालिकाले उज्यालो कार्यक्रमअन्तर्गत मोतियाबिन्दु भएका नगरवासीलाई निःशुल्क शल्यक्रियाको व्यवस्था गरिएको बताउनुभयो ।

आँखा उपचारका लागि राप्ती आँखा अस्पताललाई प्रदेशकै नमुना आँखा अस्पतालका रूपमा विकास गर्न पालिकाबाट निरन्तर सहयोग भइरहेको उहाँले बताउनुभयो । लुम्बिनी प्रदेशका स्वास्थ्य सचिव डा। जनार्दन पन्थीले आँखा अस्पतालका लागि आँखा उपचारमा सहयोग पुग्ने फेको मेसिन हस्तान्तरणको तयारी भइरहेको बताउनुभयो । राप्ती आँखा अस्पताल नेत्र अधिकृत शालिकराम गौतमले अस्पतालले दुई वर्षदेखि आँखाको नानी प्रत्यारोपण गर्दैआएको बताउनुभयो । गौतमका अनुसार हालसम्म दुईसय जनाको आँखा नानी प्रत्यारोपण गरिएको छ । नानीको प्रत्यारोपण गर्न एउटा आँखाको २४ हजार रुपियाँ खर्च लाग्नेगरेको छ । लुम्बिनी प्रदेश सरकारका नागरिकको सवालमा निःशुल्क रूपमा आँखाको नानी प्रत्यारोपण गरिने भएको छ । गोरखापत्र

spot_img

ताजा समाचार

प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान

काठमाडौँ - प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान गर्नुभएको छ।...

गल्कोट घुम्टे सहकारीको नयाँ सञ्चालक समिति निर्विरोध चयन, वित्तीय अवस्था सार्वजनिक

काठमाडौं – काठमाडौंको शंखमूल, नयाँबानेश्वरमा मुख्य कार्यालय रहेको गल्कोट घुम्टे बहुउद्देश्यीय सहकारी संस्था लिमिटेडको...

गल्कोट घुम्टे सहकारीद्वारा उपहार खबरका सञ्चालक तथा प्रधान सम्पादक रामदत्त मिश्र सम्मानित

काठमाडौं – गल्कोट घुम्टे बहुउद्देश्यीय सहकारी संस्था लिमिटेडले उपहार खबरका सञ्चालक तथा प्रधान सम्पादकलाई...

प्रधानमन्त्री बालेन आज भारतको राजकीय भ्रमणमा जाँदै, ३४ सदस्यीय टोलीको नेतृत्व गर्ने

काठमाडौं -प्रधानमन्त्री बालेन शाह आज भारतको राजकीय भ्रमणमा जाँदै हुनुहुन्छ । उहाँ ३४ सदस्यीय...