काठमाडौं, कात्तिक ४
नेपाल नर्सिङ संघले निजी अस्पताल तथा मेडिकल कलेजमा कार्यरत नर्सहरूको कम पारिश्रमिक र श्रम शोषणको विरोधमा कात्तिक ४ देखि ११ गतेसम्म देशभरका अस्पताल तथा स्वास्थ्य शिक्षण संस्थाहरूमा कालोपट्टी बाँधेर काम गर्ने कार्यक्रम सार्वजनिक गरेको छ।
सोमबार संघको केन्द्रीय कार्यालयमा आयोजित पत्रकार सम्मेलनमा क्यान्डिडेट चन्द्रकला शर्माले कात्तिक १२ देखि १८ गतेसम्म बिहान १० देखि १२ बजेसम्म अत्यावश्यक सेवा बाहेकका सबै नर्सिङ सेवा बन्द गर्ने घोषणा गरिन्।
संघले मन्त्रालयले गठन गरेको कार्यदलको प्रतिवेदन आएपछि थप कार्यक्रमहरू पनि सार्वजनिक गर्ने बताइएको छ।
चन्द्रकला शर्माले नर्सहरूले उचित तलब सुविधा पाउनुपर्ने र वर्तमानमा श्रम ऐनले तोकेकोभन्दा कम तलब दिइँदै आएकोमा संघले आपत्ति जनाएको छ। उनले नर्सहरूको पारिश्रमिक स्वास्थ्य सेवा ऐनअनुसार हुनुपर्ने बताए।
नेपाल नर्सिङ संघले २०८२ वैशाख २५ गते स्वास्थ्य मन्त्रालयमा न्यूनतम तलब सुविधा र पेशागत हकहितसम्बन्धी १५ बुँदे माग पेश गरेको थियो। त्यसपछि असोज ३१ गते मन्त्रालयको पहलमा सरोकारवालासँग छलफल गरिएको थियो।
संघकी महासचिव डा. देवका आचार्यले कात्तिक २ गते सरोकारवालासँग भएको बृहत बैठकमा आन्दोलन कार्यक्रम घोषणा गरिएको जानकारी दिइन्। उनले स्वास्थ्य मन्त्रालयको पहलमा कार्यदल गठन र सातै प्रदेशमा अनुगमन समिति गठनलाई संघले स्वागत गरेको बताए।
पत्रकार सम्मेलनमा जारी विज्ञप्तिमा आन्दोलनका कारण स्वास्थ्य सेवामा आउने असुविधाप्रति माफी माग्दै परिणामको सम्पूर्ण जिम्मेवारी सरकार र सरोकारवालालाई लगाइएको छ।
विज्ञप्तिमा भनिएको छ, “नेपाल नर्सिङ संघ जनतालाई गुणस्तरीय नर्सिङ सेवा प्रदान गर्न प्रतिबद्ध छ, तर पटक–पटक मागहरू बेवास्ता हुँदा यस आन्दोलनको आवश्यकता परेको हो।” संघले सबैबाट समर्थन र सहयोगको हार्दिक अपील गरेको छ।
