काठमाडौं । नेपाली सेनाले राष्ट्रि एकता दिवस तथा ३०४ औं पृथ्वी जयन्तीको अवसरमा पदयात्रा तथा दौड प्रतियोगिता गर्ने भएको छ । सेनाले सुनसरीको विजयपुरगढी देखी धनकुटाको साँगरीगढी दोेड प्रतियोगिता तथा पत्रदयात्रा गर्न लागेको हो । सेनाले पुस २७ गतेदेखि ३० गतेसम्म पदयात्रा र दौड प्रतियोगिता गर्न लागेको हो । पदयात्रा सुनसरीको ऐतिहासिक स्थल विजयपुरगढी देखी सुरुभई धराको फुस्रे हुँदै धनकुटाको साँगुरीगढी, बेलहरा उत्तरपानी हुँदै पाख्रिबासमा गएर समापन हुने छ । धनकुटाको ऐतिहासिक तथा सांस्कृतिक सम्पदा संरक्षण गर्दै प्रवर्धन गर्ने उद्देश्यले कार्यक्रम गर्न लागिएको भीमदल गण सल्लेरी धनकुटाका गणपती गणेश थापाले जानकरी दिनुभयो ।
नेपाली सेनाको पूर्वी पृतना हेडक्वाटर इटहरी, २ नम्बर बाहिनी हिलेको संयोजनमा धनकुटाको भीमदल गण सल्लेरी तथा सुनसरीस्थित भगवती दल गणले विजयपुरगढी–साँगुरीगढी दौड र पदयात्रा कार्यक्रमको आयोजना गर्न लागेको हो । पदयात्राले ऐतिहासिक रुपमा रहेको विजयपुरगढी, साँगुरीगढी र पाख्रीबास क्षेत्रको पहिचान, संरक्षण तथा प्रवद्र्धनका साथै राष्ट्रिय एकता र देशभक्तिको सन्देश फैलाउने उदेश्यले कायक्रम तय भएको गणपति थापाले बताउनुभयो । दौड प्रतियोगिता खुल्ला महिला र पुरुषतर्फ १० किलोमिट र १६ वर्ष उमेर समूहका विद्यार्थीहरु लागि ५ किलोमिटर आयोजना गरेको नेपाली सेनाले जनाएको छ । प्रतियोगितामा खुल्ला पुरुष र महिलातर्फ प्रथम, द्वितिय र तृतीय हुनेलाई क्रमश : २५०००, १५००० र १०००० हजार रहेको छ । यस्तै ५ किलोमिटर विद्यार्थी महिलातर्फ प्रथम, द्वितिय र तृतिय हुनेलाई क्रमश : १२०००, ८००० र ५००० रुपियाँ पुरस्कार रहेको सेनाले जानकारी दिएको छ ।
कार्यक्रम धरान उपमहानगरपालिका, धनकुटा नगरपालिका, पाख्रीबास नगरपालिका, साँगुरीगढी गाउँपालिका, होटल एसोसिएसन भेडेटार, उद्योग वाणिज्य संघ सुनसरी र स्काई वाका भेडेटारको सहयोगमा पदयात्रा र दौड हुन लागेको हो । गोरखापत्र
