काठमाडौं । राष्ट्रिय सभा सदस्य निर्वाचन अन्तर्गत मधेश प्रदेशमा चार सिटका लागि आज भइरहेको मतदान जारी रहेको छ । मधेश प्रदेशको राजधानी जनकपुधामको श्री महेन्द्र नारायण नीधि मिथिला साँस्कृतिक केन्द्रमा निमार्ण गरिएको दुई वटा मतदान केन्द्रमा मतदान जारी रहेको छ । समाचार तायार पार्दा सम्ममा ५० प्रतिशत मतदान भइसकेको निर्वाचन अधिकृतको कार्यालयले जनाएको छ । मधेश प्रदेश सभाका १०० प्रदेश सभा सदस्य र विभिन्न पालिकाका प्रमुख र उपप्रमुख गरी २६४ जना गरी जम्मा ३६४ जना मतदाता रहेको यस निर्वाचनमा आज विहान ९ वजे देखि ३ वजे सम्म मतदान हुने समय सिमा निर्धारण गरिएको छ। मतदान सम्मपन्न हुन वितिकै सर्वदलिय बैठक बसेर मतगणनावारेमा निर्णय लिने निर्वाचन अधिकृत सुभास बाबु पुरीले जानकारी दिनु भयो । मधेश प्रदेशमा चार सिटका लागि ११ जना चुनावी मैदानमा रहनु भएको मधेश निर्वाचन कार्यालयका सूचना अधिकारी कृष्ण चन्द्र राउतले जानकारी दिनु भयो ।
निर्वाचन अधिकृतको कार्यालयले दिएको जानकारी अनुसार खुल्ला तर्फ लोसपा नेपालका अध्यक्ष महन्थ ठाकुर र नेपाली कम्युनिष्ट पार्टीका लक्ष्मण पौडेल, महिला तर्फ नेकपा एमालेका रेखा झा , नेपाली कम्युनिष्ट पार्टीका सुमि कुमारी अग्रवाल र जसपा नेपालका चन्द्रकला देवी साह, दलित तर्फ नेपाली काँग्रेसका धर्मेन्द्र पासवान, नेपाली कम्युनिष्ट पार्टीका शम्भु पासवान हजारी र जसपा नेपालका चमेली देवी दास,अपाङ्ग भएका व्यक्ति ÷अल्पसंख्यक समुह तर्फ नेपाली काँगे्रसका रंजित कर्ण ,नेपाल कम्युनिष्ट पार्टीका रमानन्दन प्रसाद र जसपा नेपालका शैलेश कुमार चौधरी गरी जम्मा ११ जना चुनावी मैदानमा रहनु भएको छ । मधेश प्रदेशमा निर्वाचन वाट महिला एक जना,दलित एक जना,अपाङ्ग भएका व्यक्ति-अल्पसंख्यक समूहबाट एक जना र अन्य समुह वाट एक जना गरी चार जना निर्वाचित हुने छ । गोरखापत्र
