सुनसरीको देवानगञ्ज गाउँपालिका–३, कप्तानगञ्जमा दुई समूहबीच भएको झडप नियन्त्रण गर्न प्रहरीले चलाएको गोली लागेर २४ वर्षीय ओमप्रकाश मेहताको मृत्यु भएको छ भने ८ जना घाइते भएका छन्। घटनापछि स्थानीय प्रशासनले हरिनगरा, भुटाहा, कप्तानगञ्ज, घुस्की र देवानगञ्ज बजार क्षेत्रमा अर्को सूचना नभएसम्म कर्फ्यु आदेश जारी गरेको छ। विवाद बोलबम यात्राका क्रममा डिजे बजाउने विषयलाई लिएर सुरु भएको प्रहरीले जनाएको छ।
