काठमाडौँ – नेपाली कांग्रेसको १५औँ महाधिवेशनअन्तर्गत दलिततर्फको सहमहामन्त्रीमा प्रकाश रसाइली स्नेही निर्वाचित भएका छन्।
निर्वाचन समितिले सार्वजनिक गरेको अन्तिम मतपरिणामअनुसार कुल ६ हजार ७३७ मत सदर भएकोमा स्नेहीले ४ हजार ८२१ मत प्राप्त गर्दै सहमहामन्त्री पदमा जित हासिल गरेका हुन्।
उनका प्रतिस्पर्धी मानबहादुर नेपालीले १ हजार १२१ मत प्राप्त गर्दा अर्का उम्मेदवार नरेन्द्र पासवानले ७९६ मत पाएका छन्। स्नेहीले प्रतिस्पर्धी उम्मेदवारलाई फराकिलो मतान्तरले पछि पार्दै जित हासिल गरेका हुन्।
