सुदूरपश्चिम रोयल्स बन्यो एनपीएल च्याम्पियन, लुम्बिनी १० विकेटले पराजित

Published on

काठमाडौं – सुदूरपश्चिम रोयल्सले नेपाल प्रिमियर लिग (एनपीएल) को तेस्रो संस्करणको उपाधि जितेको छ । शनिबार कीर्तिपुरस्थित त्रिवि क्रिकेट मैदानमा भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम पहिलो पटक च्याम्पियन बनेको हो । लुम्बिनीले दिएको १५६ रनको लक्ष्य सुदूरपश्चिमले कुनै पनि विकेट नगुमाई १३.३ ओभरमै पूरा गर्‍यो । सुदूरपश्चिमले ३९ बल बाँकी छँदै सहज जित निकाल्दै उपाधि आफ्नो पक्षमा पारेको हो ।

सुदूरपश्चिमको जितमा ओपनर जर्ज मुन्सेले विस्फोटक शतकीय इनिङ खेले । उहाँले ५४ बलमा ८ चौका र १२ छक्काको मद्दतमा अविजित १२५ रन बनाउनुभयो । अर्का ओपनर विनोद भण्डारीले २७ बलमा ३ चौकासहित अविजित ३० रनको योगदान दिनुभयो । यसअघि टस हारेर पहिले ब्याटिङ गरेको लुम्बिनी लायन्सले निर्धारित २० ओभरमा ६ विकेट गुमाएर १५५ रन बनाएको थियो । लुम्बिनीले दिएको लक्ष्य सुदूरपश्चिमले उत्कृष्ट ब्याटिङ प्रदर्शन गर्दै बिना विकेटको क्षतिमा पूरा गर्‍यो ।

लगातार तेस्रो पटक एनपीएलको फाइनलमा पुगेको सुदूरपश्चिमले यसअघि पहिलो संस्करणमा जनकपुर बोल्ट्स र दोस्रो संस्करणमा लुम्बिनी लायन्ससँग पराजय बेहोरेको थियो । यसपटक भने फाइनलमा लुम्बिनीलाई नै हराउँदै सुदूरपश्चिमले लगातार दुई फाइनलमा भोगेको हारको शृङ्खला अन्त्य गरेको छ । यता, अघिल्लो संस्करणको विजेता लुम्बिनी यसपटक उपाधि रक्षा गर्न असफल भएको छ ।

spot_img

ताजा समाचार

एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

काठमाडौं – नेपाल प्रिमियर लिग (एनपीएल) को तेस्रो संस्करणको फाइनलमा लुम्बिनी लायन्सले सुदूरपश्चिम रोयल्सलाई...

एनपीएल फाइनल: टस जितेर सुदूरपश्चिमले रोज्यो पहिले बलिङ

काठमाडौं – नेपाल प्रिमियर लिग (एनपीएल) को तेस्रो संस्करणको उपाधिका लागि भइरहेको फाइनलमा सुदूरपश्चिम...

शान्ति सम्झौताको २० वर्ष पुग्दा पनि द्वन्द्वपीडितले न्याय पाएनन् : इन्सेक

काठमाडौं – विस्तृत शान्ति सम्झौता भएको २० वर्ष पूरा हुँदासमेत द्वन्द्वपीडितले न्याय र परिपूरण...

एनपीएलको उपाधिका लागि आज लुम्बिनी र सुदूरपश्चिम भिड्दै

काठमाडौं – नेपाल प्रिमियर लिग (एनपीएल) को तेस्रो संस्करणको उपाधिका लागि आज लुम्बिनी लायन्स...